«Chelsi» jamoasining qanot himoyachisi Pedru Netu Jahon klublar chempionati o‘yinlarida ta’sirli o‘yin namoyish qilmoqda. Bu haqida Euro-football.ru xabar berdi.
Portugaliyalik futbolchi turnirda katta muvaffaqiyatga erishib, jami uchta gol urdi, shulardan biri 1/8 final bosqichidagi «Benfika»ga qarshi o‘yinda (4:1) kiritildi. Mashhur statistik portal WhoScored Netuning o‘yinini 8,37 ball bilan baholadi, bu ko‘rsatkich turnirda ishtirok etayotgan barcha futbolchilar orasida eng yuqori o‘rinni egallaydi.
Ikkinchi o‘rinni allaqachon musobaqadan chiqqan «Manchester Siti» jamoasidan Jyeremi Doku (8,05 ball), uchinchi o‘rinni «Bavariya»dan Maykl Olise (7,96 ball), to‘rtinchi o‘rinni ham «shaharliklar» safidan Savio (7,95 ball) egallaydi. Beshinchi o‘rinni esa «Yuventus»dan Fransishku Konseyssau va «Bavariya»dan Kingsli Koman 7,80 ball bilan bo‘lishmoqda.
Jahon klublar chempionatining chorak final o‘yinlari 4 va 5 iyul kunlari bo‘lib o‘tadi. O‘yinlar jadvali bilan yaqindan tanishish mumkin.
