Portugaliyalik hujumchi Diogu Jota yo‘l-transport hodisasi natijasida vafot etdi. Bu haqida Euro-football.ru xabar berdi.
Bu haqda Ispaniyaning sport nashri Marca xabar berdi. Manbalarning ma’lumotiga ko‘ra, 28 yoshli Jota ishtirokidagi avariya Ispaniyaning Samora viloyatida, A-52 yo‘lining 65-kilometrida sodir bo‘lgan.
Bu voqea futbolchi yaqinda, ya’ni bir necha kun avval o‘zining to‘y marosimini o‘tkazgach yuz berdi. Diogu Jota 2020 yildan beri Liverpul jamoasida o‘ynab kelayotgandi.
Shu davr ichida u 182 ta o‘yin o‘tkazib, 65 ta gol urdi va 26 ta samarali uzatma berdi. 2024/25 yilgi mavsum yakunida Jota va uning jamoasi Angliya chempionligi unvoniga erishdi.
Bundan oldin futbolchi Vulverhempton, Portu, Atletiko va Pashush de Ferreyra kabi klublarda ham to‘p surgan. Jotaning sportdagi faoliyati va shaxsiy hayotidagi bu fojiali hodisa futbol olamida chuqur qayg‘u uyg‘otdi.
Uning oilasi va yaqinlariga sabr tilaymiz.
