Moskva "Spartak"ining hujumchisi Artyom Bykovskiy faoliyatini "Tyumen" klubida davom ettiradi. Bu haqida Euro-football.ru xabar berdi.
Ikkinchi liga jamoasi rasmiy Telegram-kanalida futbolchini ijaraga olish haqida ma’lumot berdi. O‘tgan mavsumning ikkinchi yarmida 21 yoshli hujumchi Moldova "Petrokub" jamoasida ijara asosida to‘p surdi.
U yerda oltita o‘yinda maydonga tushib, uchta gol urdi. Bykovskiy hali asosiy "Spartak" jamoasida debyut qilmagan bo‘lsa-da, nazorat o‘yinlarida maydonga tushgan.
Uning "qizil-oq" jamoasi bilan amaldagi shartnomasi 2026-yil yozigacha mo‘ljallangan. Rossiya Premer-ligasi yangi mavsumi 18-21 iyul kunlari boshlanadi.
Birinchi turda "Spartak" Makhachqala "Dinamo" jamoasiga qarshi bahs olib boradi.
