UEFA Barselona va Chelsini moliyaviy jazoladi

UEFA moliyaviy adolat tamoyillarini buzgan klublarga nisbatan jazolarni e’lon qildi. Bu haqida Euro-football.ru xabar berdi.

Har bir klub bilan kelishuvga erishilgan va ularning holati tartibga solingan. Eng katta jarimani “Chelsi” klubi oldi, u 80 million yevro miqdorida belgilandi.

Londonlik klub 20 million yevroni to‘liq to‘laydi, qolgan 60 million yevro esa shartli jarima sifatida hisoblanadi. Keyingi to‘rt yil davomida “Chelsi” UEFA tomonidan nazorat ostida bo‘ladi.

“Barselona” klubi 60 million yevro jarimaga tortildi, uning 15 million yevrosi aniq, 45 million yevrosi esa shartli hisoblanadi. Bu klubga nazorat muddati ikki yilga belgilangan.

Shuningdek, “Lion” klubi 12,5 million yevro va 37,5 million yevro shartli jarima bilan to‘rt yil nazorat ostida bo‘ladi. “Aston Villa” 5 million yevro va 15 million yevro shartli jarima oldi, ularning nazorat muddati uch yilga teng.

“Xajduk” klubi uchun esa 0,3 million yevro va 0,9 million yevro shartli jarima belgilandi, nazorat muddati ham uch yilni tashkil etadi. Ushbu jazo choralarining maqsadi moliyaviy intizomni ta’minlash va futbol klublarining moliyaviy faoliyatini tartibga solishdan iborat.

UEFA bu orqali futbol sohasida adolatli raqobatni saqlashga intilmoqda. Shu bois, moliyaviy qoidalarni buzgan klublar qat’iy nazoratga olinib, belgilangan jarimalar asosida jazolanadi.

Bu klublar o‘z faoliyatini shaffof va qonuniy yo‘lga qo‘yishi muhim hisoblanadi.