Sobiq Moskva «Lokomotiv» jamoasi va Rossiya terma jamoasi yarim himoyachisi Aleksandr Samedov joriy Klublar jahon chempionati turnirida kim uni hayratga solganini ma’lum qildi. Bu haqida Euro-football.ru xabar berdi.
Musobaqa Qo‘shma Shtatlarda yangilangan formatda o‘tkazilmoqda. Tarixda ilk bor 32 ta klub ishtirok etmoqda.
Samedovning so‘zlariga ko‘ra, braziliyalik jamoalar uni ajablantirgan. Ular yaxshi tashkil etilgan va taktika jihatdan puxta tayyorlangan, intizomli o‘ynagan jamoalar sifatida namoyon bo‘lishdi.
Hozirgi paytda turnirda qolgan so‘nggi braziliyalik jamoa «Fluminense» hisoblanadi. Ushbu jamoa yarim finalda «Chelsi» bilan bellashadi.
Uchrashuv 8 iyulga rejalashtirilgan. Finalga yo‘l olish uchun boshqa o‘yin 9 iyulda Madridning «Real» va Parijning «PSJ» jamoalari o‘rtasida bo‘lib o‘tadi.
