Rossiya futbolida legionerlar soniga qo‘yiladigan cheklovlar sezilarli darajada qattiqlashtirilishi mumkin. Bu haqida Euro-football.ru xabar berdi.
Hozirda ushbu masala Rossiya sport vazirligi va Rossiya futbol uyushmasi tomonidan muhokama qilinmoqda. Asosiy takliflardan biri – Rossiya Premyer Ligasi jamoalarining mavsum uchun arizasida maksimal 10 nafar legioner bo‘lishi va maydonda bir vaqtning o‘zida 5 nafardan ko‘p legioner bo‘lmasligi.
Hozircha bu masala faqat muhokama qilingan bo‘lib, hech qanday qaror qabul qilinmagan. Joriy mavsumda Rossiya Premyer Ligasi klublari 13 nafar xorijiy futbolchini ro‘yxatga kiritishi mumkin, ularning 8 nafari maydonda bir vaqtda bo‘lish huquqiga ega.
Yangi Rossiya chempionati 18 iyuldan boshlanadi. Ushbu o‘zgarishlar mamlakat futbolining rivojlanishi va mahalliy futbolchilarga ko‘proq imkoniyat yaratish maqsadida ko‘rib chiqilmoqda.
