Ukraina terma jamoasi darvozaboni Andrey Lunin ona yurtida rus tilida aytilgan bitta so‘z sabab tanqidga uchradi. Bu haqida Euro-football.ru xabar berdi.
“Real” jamoasining legionerlari o‘z ona tillarida “yarim final” so‘zini ishlatgan bo‘lsa, Lunin esa bu so‘zning rus tilidagi shaklini aytdi. Mashhur sport sharhlovchisi Dmitriy Guberniev Lunin tanqidiga munosabat bildirdi.
Uning so‘zlariga ko‘ra, Ukrainadagi odamlarning yarmi rus tilida so‘zlashadi. Rus tilida gapiradigan odamlar rus tilida so‘zlagan darvozabonni tanqid qilmoqda.
Bu holat qiziq va g‘alati ekanligini ta’kidladi. Guberniev fikricha, rus tili “Real” futbolchilari va butun dunyoni bog‘lovchi til hisoblanadi.
Andrey Lunin bilan “Real” o‘rtasidagi amaldagi shartnoma 2030 yil o‘rtalarigacha mo‘ljallangan. U Madrid jamoasi safida 62 ta o‘yinda maydonga tushib, 70 ta gol o‘tkazib yuborgan.
Kelasi chorshanba kuni kechqurun “Real” “PSJ” jamoasi bilan Jahon klublari chempionatida o‘ynaydi. O‘yinni matn ko‘rinishidagi translyatsiya orqali kuzatish mumkin bo‘ladi.
