Madridning "Real" jamoasining yarim himoyachisi Jud Bellingem yaqin vaqt ichida maydonga tusholmaydi. Bu haqida Euro-football.ru xabar berdi.
Shu hafta "Real" jamoasi Jahon klublari chempionatining yarim finalida "PSJ"ga 0:4 hisobida mag‘lub bo‘ldi va musobaqadan chiqib ketdi. Shunday qilib, 2024/25 yilgi mavsum Madrid jamoasi uchun yakunlandi.
Oldindan aytilganidek, mavsum tugagach, Bellingem yelkasida jarrohlik amaliyoti o‘tkazilishi kerak bo‘ladi. Madrid zonasi ma’lumotlariga ko‘ra, jarrohlikdan keyingi tiklanish jarayoni uchdan to‘rt oygacha davom etadi.
Jud Bellingem uzoq vaqtdan beri yelkasida noqulaylik his qilmoqda va yaqinda o‘zi ham muammoni operatsiya orqali hal qilishni xohlashini bildirgan edi. Yangi La Liga mavsumining birinchi o‘yini 19 avgust kuni bo‘lib o‘tadi.
"Real" jamoasi shu kundan o‘z faoliyatini davom ettiradi.
