Parij Sen-Jermen jamoasining bosh murabbiyi Luis Enrike Madridning Real jamoasiga qarshi Klub jahon chempionati yarim final uchrashuvida 4:0 hisobida qozonilgan g‘alabadan so‘ng Xabi Alonso haqida fikr bildirdi. Bu haqida Euro-football.ru xabar berdi.
Real jamoasi yangi bosh murabbiy qo‘l ostida ilk mag‘lubiyatini qabul qilib, turnirdagi ishtirokini yakunladi. Parij Sen-Jermen esa finalda Chelsi jamoasiga qarshi o‘ynaydi.
Enrike matbuot bilan bo‘lib o‘tgan suhbatda shunday dedi: “Xabi Alonso hech narsani isbotlashga muhtoj emas. U jamoa bilan to‘la predsezon tayyorgarligidan o‘tishi kerak.
Men Parij Sen-Jermen jamoasida ikki yildan beri faoliyat yuritaman, u esa yaqinda Real jamoasiga kelgan, shuning uchun ularni solishtirish noto‘g‘ri bo‘ladi.” Xabi Alonso iyun oyining boshida Madrid jamoasining bosh murabbiyi lavozimiga tayinlandi va bu lavozimda Karlo Anchelottini almashtirdi.
