Madridning «Real» jamoasi himoyachisi Eder Militao Jahon klub chempionati yarim finalida «PSJ»ga qarshi o‘tkazilgan o‘yindagi mag‘lubiyat haqida fikr bildirdi. Bu haqida Euro-football.ru xabar berdi.
Uchrashuv 0:4 hisobida yakunlandi. Militao so‘zlariga ko‘ra, bugungi natija ular foydasiga bo‘lmadi, ammo eng muhimi tinmay mehnat qilishdir.
«PSJ» jamoasi allaqachon yaxshi o‘ynashni o‘rgangan, bu ularning mavsumdagi natijalaridan ko‘rinib turibdi. Yosh va g‘oliblikka intiluvchi jamoa o‘zining jamoaviy o‘yini bilan buni namoyish etmoqda.
Bugun ular qanchalik kuchli ekanini aniq ko‘rdik. Ularni tabriklayman, deydi Militao.
Finalda Yevropa chempionlar ligasi g‘olibi «PSJ» va Yevropa konferensiyalar ligasi g‘olibi «Chelsi» o‘rtasida o‘yin bo‘lib o‘tadi. Uchrashuv 13 iyul kuni o‘tkaziladi.
