Usmon Dembele "Pari Sen-Jermen" jamoasining Madridning "Real" klubini Jahon klublarining yarim finalida 4:0 hisobida mag‘lub etishida muhim rol o‘ynadi. Bu haqida Euro-football.ru xabar berdi.
Uchrashuvning oltinchi daqiqasida Dembele Fabiano Ruizga assistentlik qildi, to‘qqizinchi daqiqada esa o‘z hisobiga gol yozdirdi. Hozirda 28 yoshli futbolchining "Pari Sen-Jermen" safidagi ko‘rsatkichlari 94 o‘yinda 41 golni tashkil etadi.
Oldinroq u "Barselona"da o‘ynab, 185 ta o‘yinda maydonga tushib, 40 ta gol urgan edi. Dembele uchun ayni damda o‘tgan mavsum natijaviy jihatdan eng muvaffaqiyatli bo‘ldi.
U barcha musobaqalarda 52 o‘yinda 35 ta gol urdi va 16 ta golga assistentlik qildi. Usmon Dembele 2017 yildan 2023 yilgacha "Barselona" jamoasida o‘ynadi, so‘ngra "Pari Sen-Jermen"ga o‘tgan.
Uning maydondagi faoliyati va natijalari jamoaga katta yordam bermoqda.
