Rossiya stadionlaridagi tribunada futbol muxlislari orasida huquqbuzarliklar soni sezilarli darajada kamaydi. Bu haqida Euro-football.ru xabar berdi.
Shu bilan birga, Rossiya chempionati o‘yinlariga tashrif buyuruvchilar soni oshmoqda. Bu haqda Sport vazirligi matbuot xizmati “Match TV”ga ma’lum qildi.
O‘yinlarga tashrif buyuruvchilar ko‘payishi bilan huquqbuzarliklar soni kamaymoqda. O‘rtacha hisobda Rossiya Premyer Ligasi har bir o‘yinda muxlislar soni 2000 nafarga oshgan.
Shu bilan birga tribunadagi huquqbuzarliklar 15 foizga kamayganligi qayd etildi, deydi Sport vazirligi matbuot xizmati. 2023 yil mart oyidan boshlab, muxlis pasporti (FAN ID) Rossiya Premyer Ligasi barcha o‘yinlariga kirish uchun majburiy hujjat hisoblanadi.
Avvalroq FAN ID bekor qilinishiga oid qonun loyihasi Davlat Dumasi majlisida rad etilgani ma’lum qilingan edi. Hozirgi kunda muxlis pasporti Rossiya Premyer Ligasi o‘yinlari, Rossiya kubogi finali hamda Superkubok o‘yinlariga kirishda talab qilinadi.
