«Kristal Pelas» jamoasi UEFA qaroriga rozi emas. Bu haqida Euro-football.ru xabar berdi.
Klub Yevropa Ligasi musobaqasidan ko‘p klublarga egalik qilish qoidasini buzgani uchun chetlatildi. Jon Tekstor kompaniyasi yaqinda «Kristal Pelas»dagi ulushini sotdi, aslida esa bu jarayon 1 martga qadar yakunlanishi kerak edi.
Shu sababli, «Kristal Pelas» va «Lion» jamoalari bir vaqtning o‘zida Yevropa Ligasi musobaqasida ishtirok eta olmaydi. Fransuz klubi chempionatdagi yuqori o‘rin tufayli ustunlikka ega bo‘ldi.
Daily Mail nashrining xabar berishicha, «Kristal Pelas» UEFA qaroriga nisbatan tezkor tartibda CAS sudida shikoyat qiladi. London jamoasi ilgari UEFAga Tekstor kompaniyasi faqat 25 foiz aksiyaga egalik qilgani va «Kristal Pelas» ustidan muhim ta’sir ko‘rsatmaganini ta’kidlagan.
Agar «Kristal Pelas» apellyatsiyada mag‘lub bo‘lsa, u holda Yevropa konferensiyalar ligasida o‘ynaydi.
