Londonning "Chelsi" jamoasi yarim himoyachisi Enzo Fernandez AQShda o‘tkazilayotgan Klub jahon chempionati o‘yinlari davomida kuzatilayotgan issiq ob-havo sharoitidan norozi ekanligini bildirdi. Bu haqida Euro-football.ru xabar berdi.
Unga ko‘ra, bunday yuqori haroratda o‘ynash xavfli hisoblanadi. So‘nggi o‘yinlardan birida bosh aylanishi tufayli yerga yotishga majbur bo‘lganini ta’kidladi.
Fernandezning so‘zlariga ko‘ra, bu kabi sharoitlar futbolchilarning sog‘ligiga salbiy ta’sir ko‘rsatishi mumkin. Kelasi yili, ya’ni 2026 yilda Meksika, AQSh va Kanada futbol bo‘yicha Jahon chempionatiga mezbonlik qiladi.
Klub jahon chempionatining final uchrashuvi 13 iyul, yakshanba kuni bo‘lib o‘tadi. Ushbu finalda Angliyaning "Chelsi" va Fransiyaning "PSJ" jamoalari o‘zaro bahs olib boradi.
Musobaqa yuqori darajada o‘tkazilishi kutilmoqda va muxlislar uchun katta qiziqish uyg‘otmoqda. Shuningdek, bu turnir futbolchilar uchun katta sinov va imkoniyatdir.
