Rossiya Superkubogi doirasida "Krasnodar" va CSKA jamoalari o‘rtasida bo‘lib o‘tadigan o‘yinda hakamlar qancha maosh olishi ma’lum bo‘ldi. Bu haqida Euro-football.ru xabar berdi.
Sport-Express nashrining ma’lumotlariga ko‘ra, bosh hakam Artyom Chistyakov Rossiya futbol ittifoqidan 400 ming rubl oladi. Uning yordamchilari Rustam Muxtarov va Konstantin Shalamberidze har biri 200 ming rublga ega bo‘ladi.
Zaxira hakam Ivan Abrosimovga 100 ming rubl ajratiladi. Video hakam Yevgeniy Bulanov 200 ming rubl oladi, uning yordamchisi Roman Galimov esa 100 ming rublga ega bo‘ladi.
Shuningdek, inspektor Anatoliy Tsvetnovga 200 ming rubl to‘lanadi. Rossiya futbol ittifoqining umumiy xarajatlari 1,4 million rublni tashkil qiladi.
Ushbu o‘yin 12 iyul kuni Kazan shahrida o‘tkaziladi. Musobaqa mahalliy vaqt bilan soat 18:00 da boshlanadi.
O‘yinning barcha tafsilotlarini LiveResult sport portalidagi jonli matnli translyatsiya orqali kuzatish mumkin.
