Rodrigo yozgi transfer oynasida "Real" klubini tark etishi mumkinligi haqida gap-so‘zlar tarqalmoqda. Bu haqida Euro-football.ru xabar berdi.
Shu bilan birga, ijtimoiy tarmoqlarda AQShda olingan video paydo bo‘ldi. Futbol ishqibozlari Rodrigoga yaqinlashib, esdalik uchun suratga tushishni xohlashdi.
Ulardan biri Rodrigodan "Arsenal" klubiga o‘tishi haqida so‘radi. 24 yoshli braziliyalik futbolchi bu savolga javob bermadi va hech qanday reaksiya bildirmadi.
Rodrigoning "Real" bilan amaldagi shartnomasi 2028 yil o‘rtalariga qadar mo‘ljallangan. U Madrid jamoasi safida jami 270 o‘yinda maydonga tushib, 68 ta gol urdi va 51 ta golli uzatma berdi.
Eslatib o‘tamiz, "Real" Klublar jahon chempionatida yarim finalda "PSJ"ga 0:4 hisobida mag‘lub bo‘lib, musobaqadan chiqib ketdi. Ushbu voqealar jamoaning kelajagi va futbolchilarning transfer imkoniyatlari haqida yangi savollarni yuzaga keltirmoqda.
