Sobiq CSKA himoyachisi Kirill Nababkin yarim himoyachi Matvey Kislyak jamoani tark etib, Yevropa klubiga o‘tishi kerakmi, degan savolga javob berdi. Bu haqida Euro-football.ru xabar berdi.
Nababkin fikricha, Kislyak hozircha jamoada qolib, o‘z o‘yinini mustahkamlashi lozim. U Yevropaga yoki boshqa joyga erta ketish to‘g‘ri emasligini ta’kidladi.
Shuningdek, sobiq futbolchi Kislyakning karerasini CSKAda davom ettirishi nafaqat futbolchiga, balki Moskva jamoasiga ham foyda keltirishini bildirdi. Oldinroq ma’lum bo‘lishicha, 19 yoshli futbolchi Turkiyaning “Fenerbahche” klubi qiziqish doirasida turibdi.
2024/25 yil mavsumida Kislyak 33 ta o‘yinda maydonga tushib, to‘rt marta gol urgan va bitta samarali uzatma amalga oshirgan. Transfermarkt ma’lumotlariga ko‘ra, yarim himoyachining transfer qiymati 8 million yevroga teng.
Kislyakning CSKA bilan amaldagi shartnomasi 2028 yil yozida yakunlanadi.
