Madridning "Real" jamoasining sobiq markaziy himoyachisi Xesus Valyeho faoliyatini Ispaniyaning ikkinchi ligasida ishtirok etuvchi "Albasete" klubida davom ettiradi. Bu haqida Euro-football.ru xabar berdi.
28 yoshli futbolchi iyun oyining boshida "qirollik" klubidan erkin agent sifatida ketdi. Dushanba kuni "Albasete" jamoasi uning transferi haqida rasmiy ma'lumot berdi.
Mahalliy muxlislar yangi futbolchini iliq kutib oldilar, ko‘cha bo‘ylab katta guruh yig‘ilib, sobiq "Real" himoyachisining ismini kuylashdi. Xesus Valyeho o‘n yil davomida "Real" sharafini himoya qilgan, biroq ko‘p marta boshqa klublarga ijaraga berilgan.
U Madrid jamoasining birinchi safida jami 35 o‘yinda maydonga tushib, bitta gol va bitta golli uzatmani amalga oshirgan. O‘tgan mavsumda "Albasete" Ispaniya ikkinchi ligasida o‘nchi o‘rinni egalladi.
Endilikda Valyeho yangi jamoasida o‘zini ko‘rsatishga intiladi.
