Madridning «Real» futbol klubiga kelayotgan yangi o‘yinchi Franko Mastantuono Ispaniyaga ko‘chib o‘tishdan keyin yuzaga kelishi mumkin bo‘lgan qiyinchiliklardan qo‘rqmasligini ma’lum qildi. Bu haqida Euro-football.ru xabar berdi.
Hozirda u Argentinada «River Plate» jamoasi sharafini himoya qilmoqda. Avgust oyida 18 yoshga to‘lishi bilan klubni almashtiradi.
Transfer narxi «Real» uchun 45 million yevroni tashkil etadi. Franko Mastantuono so‘zlariga ko‘ra, u «Real»ga moslashishda hech qanday muammo ko‘rmaydi va bu uning uchun yangi chaqiriqdir.
U tezda o‘zini namoyon etishni istaydi. Shuningdek, iyun oyida u Argentina terma jamoasida debyut qilgan eng yosh futbolchi bo‘ldi.
Uning iste’dodiga ko‘plab yirik Yevropa klublari qiziqish bildirgan bo‘lsa-da, «Real» raqiblarini ortda qoldirib, uni o‘z safiga qo‘shib oldi. Bu transfer yosh futbolchining kelajakdagi muvaffaqiyatlari uchun muhim bosqich hisoblanadi.
