Ingliz yarimhimoyachisi Jordan Henderson "Brentford" klubiga o‘tishi haqida fikrlarini bildirdi. Bu haqida Euro-football.ru xabar berdi.
Tomonlar ikki yillik mehnat shartnomasini imzoladilar. Henderson klubga qo‘shilgani uchun xursandligini bildirib, ishni imkon qadar tezroq boshlashni istayotganini aytdi.
U so‘nggi yillarda "Brentford"ning erishgan natijalaridan ta’sirlanganini ta’kidladi. Muzokaralar jarayonida yaxshi taassurot paydo bo‘lganini va qarorini tezda qabul qilganini ma’lum qildi.
Henderson klubga yanada yuqori natijalarga erishishda yordam berishni xohlaydi. Eslatib o‘tamiz, 2024/2025 yilgi Angliya Premer ligasi mavsumida "Brentford" musobaqa jadvalida o‘nchi o‘rinni egallagan.
