Vinger Alehandro Garnacho Ruben Amorima rejasiga kirmaydi va yozgi transfer oynasida "Manchester Yunayted"ni tark etishi aniq. Bu haqida Euro-football.ru xabar berdi.
Old mavsumdan boshlab Garnacho asosiy guruhdan alohida mashg‘ulot olib bormoqda. Daily Mail nashri Garnacho holati haqida maqola e’lon qildi.
Manbaga ko‘ra, 21 yoshli futbolchiga Premer-liganing uchta klubi – "Chelsi", "Tottenxem" va "Aston Villa" qiziqish bildirmoqda. "Manchester Yunayted" esa Garnachoni sotib, moliyaviy holatini yaxshilashni maqsad qilgan.
Mashhur Transfermarkt sayti Alehandroning qiymatini 45 million yevro deb baholaydi. Bu holat futbolchining kelajagi uchun muhim ahamiyatga ega bo‘lib, yozgi transfer oynasida uning yangi jamoaga o‘tishi kutilmoqda.
Klub va futbolchi o‘rtasidagi muzokaralar davom etmoqda.
