Italiya «Sassuolo» klubi CSKA jamoasining yarim himoyachisi Maksim Muhinni sotib olishni rejalashtirmoqda. Bu haqida Euro-football.ru xabar berdi.
Bu haqda Calcioline manbasi xabar berdi. Ma’lumotlarga ko‘ra, Seriya Aga qaytgan «Sassuolo» jamoasi markaziy yarim himoya chizig‘ini kuchaytirishni maqsad qilgan.
Shu sababli ular Muhinni o‘z tarkibiga qo‘shib olishni ko‘zlamoqda. Tez orada «Sassuolo» va CSKA jamoasi o‘rtasida muzokaralar boshlanishi mumkin.
Maksim Muhin 2021 yildan buyon CSKA sharafini himoya qilmoqda. 23 yoshli futbolchi jamoa safida 70 ta o‘yinda maydonga tushib, 3 ta gol urdi va 4 ta golga uzatma berdi.
O‘tgan mavsumda u jarohat tufayli ko‘p o‘yinlarni o‘tkazib yubordi. Transfermarkt sayti Muhinning bozor qiymatini 1,5 million yevroga baholamoqda.
