Moskva “Spartak”ining sobiq sport direktori Aleksandr Shikunov Rossiya Premyer Ligasi yangi mavsumining asosiy favoritini ta’rifladi. Bu haqida Euro-football.ru xabar berdi.
Uning so‘zlariga ko‘ra, hozirda chempionlik uchun asosiy da’vogar “Zenit” hisoblanadi. Jamoa tarkibini saqlab qoldi va kuchli o‘yinchilar bilan mustahkamlandi.
Shikunovning ta’kidlashicha, “Zenit” hozircha barcha jihatlarda ustunlikka ega. Rossiya Premyer Ligasi birinchi turi 18 iyul, juma kuni boshlanadi.
Shu kuni Moskva “Dinamo” jamoasi bosh murabbiyi Valeriy Karpin boshchiligida “Baltika” jamoasiga qarshi maydonga tushadi. “Zenit” esa mavsumdagi birinchi o‘yinni 20 iyul, yakshanba kuni “Gazprom Arena” stadionida o‘tkazadi.
Ularning raqibi “Rostov” jamoasi bo‘ladi. Yangi mavsum futbol ishqibozlari uchun qiziqarli va jozibali o‘tishi kutilmoqda.
