Florentino Peres joriy oyda Madridning “Real” futbol klubiga rahbarlik qilganining 25 yilligini nishonlamoqda. Bu haqida Euro-football.ru xabar berdi.
U bu lavozimga 2000 yil iyul oyida saylangan. Dastlabki saylovlarda Peres g‘alaba qozondi va uning muvaffaqiyatiga asosiy sabab sifatida portugal futbolchisi Luis Figuyni taklif qilish va’dasi ko‘rsatildi.
Bu va’da so‘zda qolmadi va amalga oshirildi. Biroq, boshqaruvning dastlabki yillari Peres uchun oson kechmadi.
“Real” klubi 1990-yillarning oxirida qo‘lga kiritgan pozitsiyalarini yo‘qotdi, futbolchilarga sarflangan mablag‘lar esa juda katta bo‘ldi. Natijada, 2006 yilda Peres lavozimidan ketishga majbur bo‘ldi.
2009 yilda u yana boshqaruvga qaytdi va yana bir portugallik futbolchi, Krishtianu Ronalduni taklif qilish va’dasini berdi. Bu va’dasini ham bajarib, klubni boshqarishda davom etdi.
Shu kundan boshlab Florentino Peres Madridning “Real” klubini qo‘lidan bermay boshqarmoqda.
👍 0❤️ 0😂 0😢 0😡 0
