Milanning "Inter" jamoasi yarim himoyachisi Hakan Chalhanoglu "Galatasaray"ga o‘tmagan bo‘lsa-da, u hali Turkiyaga ketishi mumkin. Bu haqida Euro-football.ru xabar berdi.
31 yoshli futbolchiga yangi qiziqish bildirgan jamoa "Fenerbaxche" hisoblanadi. SportMediaset ma’lumotlariga ko‘ra, "sariq kanareykalar" yulduz futbolchi uchun 15 dan 20 million yevrogacha taklif qilishga tayyor.
"Inter" esa Hakan Chalhanoglu bilan xayrlashishga shoshilmayapti. Uning taxminiy narxi 30 million yevrodan ortiq baholanmoqda.
Yarim himoyachining Italiya grandi bilan shartnomasi 2027 yil iyun oyining oxirigacha amal qiladi. So‘nggi Turkiya chempionatida "Fenerbaxche" ikkinchi o‘rinni egallagan va chempionlikni "Galatasaray"ga boy bergan.
Shu sababli, Hakan Chalhanoglu Turkiya futbolida faoliyatini davom ettirishi ehtimoli mavjud. Jamoalar o‘rtasida muzokaralar davom etmoqda va kelajakda futbolchining qaysi klubga o‘tishi aniq bo‘ladi.
