Texnologiya yangiliklari

Redmi Turbo 4 Pro 24 aprel kuni Xitoyda taqdim etiladi va yangi mahsulotning aksariyat xususiyatlarini Xiaomi kompaniyasining o‘zi allaqachon ochib bergan. Smartfon so‘nggi Snapdragon 8s Gen 4 chipsetiga asoslangan dunyodagi birinchi qurilma bo‘ladi. Qurilma ta’sirchan 7550 mA/soat akkumulator va kompaniya smartfonlari orasida issiqlikni tarqatish uchun eng katta sovutish tizimini oladi. Yangi qurilma tizerlarida Xiaomi mobil o‘yinlar soniyasiga 120 kadr tezlikda ishlashiga ishontirdi. Qurilma allaqachon Geyekbench testidan o‘tgan, u yerda bir yadroli testda 2127 ball, ko‘p yadroli testda esa 6127 ball to‘plagan. Redmi Turbo 4 Pro shuningdek, 16 Gb operativ xotiraga ega va Android 15 da ishlaydi. Boshqa spetsifikatsiyalar orasida 120 Gts gacha yangilanish tezligiga ega 6,83 dyuymli OLED ekran, 1 TB gacha sig‘imga ega UFS 4,0 xotira, optik stabilizatsiyaga ega 50 MP asosiy kamera va bunday akkumulator uchun kichik qalinligi 7,98 mm.

Apple CarPlay uchun videopleyer qo‘llab-quvvatlovchi ilk dastur paydo bo‘ldi — Sidecar nomli ilova orqali avtomobilda video ko‘rish imkoniyati yaratildi, deb Pepelac News xabar berdi. Bu funksiya Apple siyosatini inobatga olgan holda haqiqiy yangilik sanaladi, chunki kompaniya CarPlay tizimida brauzer va videoservislarni qattiq cheklagan. Yangi funksiya quyidagicha ishlaydi: foydalanuvchi iPhone orqali ilovaga video yoki veb-sayt havolasini kiritadi, shundan so‘ng kontent CarPlay interfeysida aks etadi. Biroq bu imkoniyat faqat mashina to‘xtagan holatda faollashadi. Sidecar ilovasi ilgari ham mavjud bo‘lgan, lekin uning so‘nggi yangilanishi Apple tomonidan hech qanday to‘siqsiz tasdiqlangani ayniqsa qiziq. Bu entuziastlar uchun muhim yangilik, chunki ushbu ilova rasmiy usulda videoni ishga tushirish imkonini beradi. Shu bilan birga, foydalanuvchilar ehtiyotkor bo‘lishi kerak: brauzer hozircha mukammal emas va bu funksiya Apple siyosatini o‘zgartirsa, yaqin orada bekor qilinishi mumkin. Ilovaning o‘zi bepul, biroq video funksiyasi uchun 10 dollar (taxminan 125 000 so‘m) to‘lash talab etiladi. Sidecar hozirda ko‘pchilikka hakerlik usullarisiz videoga kirish imkonini rasmiy va sodda tarzda taqdim etayotgan yagona yo‘l sanaladi. Ammo bu funksiya kutulmaganda yo‘qolib qolishi ham mumkin.

WhatsApp iPhone foydalanuvchilari uchun ovozli xabarlarni matnga aylantirish funksiyasini yanada qulaylashtirmoqda, deb Pepelac News xabar berdi. Yaqin kunlarda foydalanuvchilar qaysi ovozli xabarlarni matnga aylantirishni o‘zlari tanlay olishadi. Avvalroq, bu funksiya avtomatik rejimda ishlagan — foydalanuvchi 41 ta til orasidan birini tanlab, barcha ovozli xabarlar matnga aylantirilardi. Endilikda esa WhatsApp foydalanuvchilarga qo‘lda boshqariladigan rejimni taqdim etmoqda. Bu rejim tanlanganda, xabar oynasida alohida tugma paydo bo‘ladi — bosilganda xabar matn shaklida chiqadi. Yangi funksiya iOS 16 va undan yangi tizimli qurilmalar uchun ishlab chiqilmoqda. Kompaniya barcha ovozli xabarlar faqat qurilma ichida, Apple’ning lokal til modellari orqali qayta ishlanishini bildirgan. Ma’lumotlar hech qayerga yuborilmaydi, shifrlash esa saqlanib qoladi. Ayni paytda ushbu funksiya faqat ayrim beta foydalanuvchilar uchun mavjud, ammo yaqin haftalarda keng auditoriyaga taqdim etilishi kutilmoqda. Global chiqish sanasi hozircha e’lon qilinmagan.

Telegram asoschisi Pavel Durov keskin bayonot bilan chiqdi: agar Telegram foydalanuvchilarning shaxsiy yozishmalariga kirish imkonini taqdim etishga majbur qilinsa, kompaniya bozorni tark etishni afzal ko‘radi, deb UPL.uz xabar berdi. Unga ko‘ra, Telegram Yevropa qonunchiligiga muvofiq faqat sud qarori asosida jinoyatda gumon qilingan shaxslarning IP-manzili va telefon raqamini taqdim etadi. Ammo, 12 yillik faoliyat davomida Telegram hech qachon foydalanuvchilarning shaxsiy yozishmalarini oshkor qilmagan. Durov 2024 yil avgust oyida Fransiyada ushlanganini eslatib o‘tdi. Hozirda bu mamlakatda shifrlangan messenjerlarga "bekdor" o‘rnatishni majbur qiluvchi qonun muhokamada. Unga ko‘ra, texnik jihatdan bunday kirish huquqi faqat huquq-tartibot organlarida qolishiga hech qanday kafolat yo‘q. Bunday zaifliklar xakerlar va yot davlat agentlari tomonidan ham ishlatilishi mumkin. Bu esa Telegram foydalanuvchilarining maxfiyligini xavf ostiga qo‘yadi. Durovning aytishicha, shifrlash jinoyatchilarni emas, balki oddiy odamlarni himoya qilish uchun joriy etilgan. Bu himoyani yo‘qotish esa katta fojia bo‘ladi.

Windows 11 tizimida Copilot sun’iy intellekt yordamchisi ayrim foydalanuvchilarning roziligisiz avtomatik tarzda ishga tushmoqda, deb Wylsa.com xabar berdi. GitHub’dagi REKT Wallet kriptohamyon ishlab chiqaruvchisi aytishicha, Visual Studio Code dasturi ochiq turgan paytda Copilot o‘z-o‘zidan faollashgan va barcha ochiq oynalarga kirib, shaxsiy fayllar, API kalitlar, YAML sirlar va xavfsizlik sertifikatlariga ega bo‘lgan. Reddit foydalanuvchilari ham Copilot’ni ilgari butunlay o‘chirib qo‘yganiga qaramay, Windows 11’ning so‘nggi yangilanishi uni yana ishga tushirganini bildirgan. Microsoft maxfiylik sozlamalarini “tasodifan” o‘zgartirib yuborgan bo‘lishi mumkin. Eng qizig‘i, Copilot’ni butunlay o‘chirish ham mushkul: faqat PowerShell orqali vaqtincha to‘xtatish mumkin. Biroq keyingi yangilanishda u yana qaytadi, agar Microsoft uni yana olib tashlamasa.

Airbus kompaniyasi tomonidan 2020-yilda boshlangan vodorod yoqilg‘isida ishlovchi samolyot loyihasi 2035-yilgacha to‘liq amalga oshmasligi aniq bo‘ldi, deb xabar beradi Wylsa.com. Loyiha doirasida 15 yil ichida vodorod bilan ishlaydigan uchta tijorat samolyotini ishlab chiqarish rejalashtirilgan edi. Bu uchun Airbus 1,7 milliard yevro sarmoya kiritgan. Ammo nol uglerodli dvigatelni ishlab chiqish muvaffaqiyatsiz yakunlandi. Bunga qo‘shimcha ravishda vodorodni ishlab chiqarish, tashish va xavfsiz saqlash bilan bog‘liq texnologik muammolar loyiha sur’atini pasaytirdi. 2024-yil fevral oyida Airbus rahbari Giyom Fauri ushbu loyihada oddiy samolyotlarga raqobatchi bo‘la oladigan tijorat modelini yaratish imkonsiz bo‘lganini aytdi. Mart oyida esa bu loyihani tezkor, ammo iqtisodiy jihatdan muvaffaqiyatsiz Concorde bilan solishtirdi. Hozirda loyiha Airbus ichida mavjud bo‘lib qolmoqda, biroq byudjet va muhandislar soni sezilarli darajada qisqartirilgan.

Xiaomi Mijia Air Conditioner Pro dizayn Texnologiyalar taraqqiy etar ekan, kundalik hayotimizdagi oddiy qurilmalar ham aqlli funksiyalar bilan boyib bormoqda. Endilikda konditsioner — faqat havoni sovituvchi yoki isituvchi apparat emas. Endi u insonning mavjudligini “sezadi”, harakatini kuzatadi va hattoki o‘z faoliyatini foydalanuvchiga moslashtiradi. Bu kabi ilg‘or yechimlarga yorqin misol — Xiaomi'ning yangi Mijia Air Conditioner Pro modelidir. Insonning joylashuviga qarab havo yo‘nalishini o‘zgartiruvchi tizim Xiaomi Mijia Air Conditioner Pro Qurilmaning eng e’tiborli yangiligi — mmWave radar texnologiyasi bo‘lib, u xonaning ichida odam qaysi nuqtada turganini aniqlab, havo oqimini aynan o‘sha tomonga yo‘naltirish imkonini beradi. Agar foydalanuvchi havoni to‘g‘ridan to‘g‘ri his qilishni xohlasa — oqim u tomonga buriladi, agar aksincha, unga havo urib turishini istamasa — konditsioner avtomatik ravishda yo‘nalishini o‘zgartiradi. Bu esa individual komfort darajasini maksimallashtiradi. Odam yo‘q joyda o‘chadi — energiya tejashga xizmat qiladi Mijia Air Conditioner Pro‘ning yana bir muhim afzalligi — energiyani aql bilan sarflash qobiliyati. Agar radarlar xonani bo‘sh deb aniqlasa, konditsioner o‘z-o‘zidan eko-rejimga o‘tadi va elektr energiyasini kamaytiradi. Foydalanuvchi qaytib kelsa — u yana faol tarzda ishlay boshlaydi va talab qilingan haroratni tiklaydi. Xiaomi Mijia Air Conditioner Pro Bu jarayon Lingyun sun’iy intellektual dasturi orqali amalga oshiriladi. Barcha aniqlash va hisoblash ishlari “bulutli” xizmatlar yordamida — ya’ni internet orqali onlayn tarzda ishlaydi. Xiaomi ma’lumotlariga ko‘ra, bu tizim yiliga 361 kVt/soat elektr energiyasini tejashga qodir, bu esa o‘rtacha 3000 rubl yoki taxminan 350 dollar atrofida iqtisodiy foyda beradi. Texnik jihatdan ham zamonaviy: kuchli, yumshoq va bakteriyalarga qarshi Yangi konditsioner nafaqat aqlli, balki o‘z texnik ko‘rsatkichlari bilan ham zamonaviy talablarga javob beradi: Ikki silindrli inverter kompressor — yuqori samaradorlik va tez sovitish; Qavatma-qavat kondensator va evaporator — kuchli issiqlik almashinuvi; Keng harorat diapazoni (−35°C — +65°C) — deyarli har qanday iqlim sharoiti uchun mos; 1.5 ot kuchi quvvat — o‘rtacha hajmdagi xona uchun ideal; 18 dB shovqin darajasi — deyarli eshitilmaydi; Avto tozalash (56°C) — bug‘ orqali bakteriyalardan tozalash; Antibakterial filtr — havodagi 99% zararli elementlarni yo‘q qiladi. Qurilmani boshqarish esa qulay: an’anaviy pult orqali, Mi Home ilovasi yoki ovozli buyruqlar bilan — aqlli uy tizimiga moslashtirilgan. Narxi va sotuv holi Mijia Air Conditioner Pro hozircha faqat Xitoy bozorida sotuvga chiqarilgan. Narxi — 3999 yuan, ya’ni taxminan 600–700 dollar atrofida. Lekin Xiaomi'ning global strategiyasiga qaraganda, bunday innovatsion texnologiyalar yaqin vaqtda boshqa mamlakatlarda ham paydo bo‘lishi kutilmoqda. Uyingizda bunday “farazlaydigan” konditsioner bo‘lishini istarmidingiz? Yangi texnologiyalar qulaylikmi yoki nazoratmi?

Illustrativ foto: ChatGPT Amerikalik mashhur ishbilarmon va milliarder Ilon Mask rahbarligidagi Neuralink kompaniyasi ko‘rish qobiliyatini butunlay yo‘qotgan insonlarga qaytadan dunyoni ko‘rish imkonini yaratish ustida jiddiy ish olib bormoqda. Bu yangi avlod texnologiyasi ko‘z yoki ko‘rish asablari faoliyatdan chiqqan holatlarda ham ishlay oladi. U insonning ko‘z organlarini chetlab o‘tib, miyadagi ko‘rish qismi — vizual korteksga bevosita ulanadi. Mask ta’kidlashicha, dastlab bunday ko‘rish shunchaki oddiy grafikalar singari bo‘ladi, lekin vaqt o‘tishi bilan bu salohiyat "odam ko‘rish qobiliyatidan ham yuqori" darajaga chiqishi mumkin. Ushbu ilg‘or ishlanma Neuralink'ning miya va kompyuter o‘rtasida ma’lumot uzatish qobiliyatini namoyish etgan dastlabki chiplaridan keyingi bosqich hisoblanadi. Bu kabi chiplar hozirda falajlikka uchragan bemorlarga faqat aqliy kuch bilan qurilmalarni boshqarish imkonini bermoqda. 2024 yilning mart oyida Blindsight deb nomlangan bu optik neyro-chip haqida ilk bor rasmiy ma’lumot berildi. O‘shanda Mask chip maymunlarda sinab ko‘rilganini, natijada ularning ko‘rishi qisman tiklanganini ma’lum qilgan. Shu yil sentyabrida esa AQSHning sog‘liqni saqlash idorasi ushbu chipni “revolyutsion uskuna” sifatida tan oldi va uni odamlar ustida sinab ko‘rishga rasmiy ruxsat berdi. Neuralink yaqinda 2025 yil oxirigacha Blindsight chipini inson miyasiga o‘rnatish bo‘yicha ilk amaliyotni o‘tkazishga to‘liq tayyor ekanini ma’lum qildi. Bu faqat oftalmologiya yoki nevrologiyada emas, balki umuman biotexnologiya sohasidagi mislsiz yutuqlardan biriga aylanishi mumkin. Qizig‘i shundaki, Ilon Mask kelajakda ushbu miya chipini o‘ziga ham o‘rnatish niyatida. Uning rejalari orasida nafaqat elektron qurilmalarni boshqarish, balki muskul faoliyatini tiklash, ruhiy tushkunlikni yengish va hatto inson miyasining ishlash qobiliyatini kuchaytirish ham bor. Maskning prognozlariga ko‘ra, 2025 yil yakunlarigacha sun’iy intellekt insonlardan aqlliroq bo‘lib ulguradi. Uning fikriga ko‘ra, 2030 yilga kelib sun’iy aql barcha insonlar zehnidan ustun bo‘lib ketishi — deyarli aniq fakt. Siz bunday chipdan foydalanishga rozi bo‘larmidingiz? Texnologiya inson uchun yordamchimikan yoki xavfmi?

Apple mahsulotlari haqida aniq ma’lumot tarqatishi bilan mashhur bo‘lgan insayder Majin Boo yangi avlod iPhone 17 Pro smartfonining g‘ilofiga oid ilk eskizlarni ommaga taqdim etdi. Bu suratlarda eng ko‘p e’tiborni yangi kamera panelining dizayn o‘zgarishi jalb qilmoqda. Taqdim qilingan tasvirlarda ko‘rinishicha, yangi iPhone 17 Pro modelining orqa paneldagi kamera obyektivlari chap tomonga surilgan, flesh va LiDAR sensori esa aksincha, o‘ng tomonga ko‘chirilgan. Bu o‘zgarish smartfonning tashqi ko‘rinishini avvalgi avlodlardan farqlantirishga xizmat qilishi kutiladi. Majin Boo tomonidan e’lon qilingan fotosuratlarda bir necha xil ranglar namoyish etilgan: oq, och ko‘k, och yashil, och binafsha va ko‘mirrang. E’tiborlisi, bitta fotosuratda kamera paneli quyuq kulrangda aks etgan bo‘lsa-da, aksariyat tasvirlarda uning oq rangda ekani ko‘rinadi. Bu esa Apple'ning iPhone 17 Pro smartfonlari uchun mo‘ljallangan rang tanlovini oldingi — iPhone 16 Pro bilan bir xil saqlashini anglatmoqda. Biroz avval boshqa bir ishonchli manba ham Apple'ning yangi avlod smartfonlari haqida xabar tarqatib, iPhone 17 model qatori quyidagi to‘rt modelni o‘z ichiga olishini bildirgan edi: - iPhone 17; - iPhone 17 Air; - iPhone 17 Pro; - iPhone 17 Ultra. Bu ma’lumotlar qanchalik ishonchli ekanligi va yangi smartfonlar haqiqatda qanday ko‘rinishda bo‘lishi, shuningdek, Apple kompaniyasi yaratishni rejalashtirgan yangiliklar haqida aniq ma’lumotlarga sentyabr oyida kutilayotgan rasmiy taqdimot vaqtida ega bo‘lish mumkin bo‘ladi. Shunday qilib, Apple muxlislari yana bir bor katta qiziqish bilan yangi avlod smartfonlarining taqdimotini intiqlik bilan kutishmoqda.

Janubiy Koreyada joylashgan Pohang fan va texnologiya universiteti olimlari materialshunoslik sohasida innovatsion yutuqqa erishdi. Ular harorat keskin o‘zgarib turadigan muhitlarda ham o‘z mustahkamligi va xususiyatlarini yo‘qotmaydigan yangi turdagi metal qotishmasini ishlab chiqdi. Selsiy bo‘yicha minus 196 darajadan plyus 600 darajagacha bo‘lgan keng harorat diapazonida o‘z shakli va mexanik xususiyatlarini saqlay oladigan ushbu yangi material «giperadapter» deb nomlandi. Uning eng katta ustunligi shundaki, ushbu qotishma hatto o‘ta keskin va ekstremal harorat sharoitida ham ichki tuzilmasi va mexanik barqarorligini yo‘qotmaydi. Bunday imkoniyat bungacha birorta ham metalda kuzatilmagan edi. Ushbu qotishmaning bunday ajoyib xususiyatga ega bo‘lishi sababi uning ichida bir tekisda joylashgan L1₂ nanozarralari bilan bog‘liq. Bu mikroskopik zarrachalar mustahkamlovchi «karkas» rolini o‘taydi va metalning tashqi kuchlar ta’siridagi deformatsiyasiga yo‘l qo‘ymaydi. Bundan tashqari, bu qotishma tashqi muhitning har qanday o‘zgarishlariga tez moslashish qobiliyatiga ham ega. Ushbu noyob xususiyatlar tufayli yangi qotishma juda keng sohalarda qo‘llanilishi mumkin. Masalan, haroratning ekstremal darajadagi tebranishlari kuzatiladigan kosmik raketalar, aviatsiya reaktiv dvigatellari, avtomobillarning chiqindi gaz tizimlari, energetika sohasidagi turbinalar hamda sanoat quvurlari uchun ideal yechim bo‘lishi mumkin. Olimlarning ta’kidlashicha, bu material kelajakda sanoat va texnologik sohalarda chinakam revolyutsiya yaratishi ehtimoldan yiroq emas.

Huawei va China Unicom hamkorligida dunyodagi birinchi 10G internet tarmog‘i ishga tushirildi, deb Mydrivers xabar berdi. Bu yangi tarmoq 50G PON texnologiyasi asosida Syun’an tumanida ish boshladi. Yuklab olish tezligi — 9834 Mbit/s, uzatish — 1008 Mbit/s, kechikish — atigi 3 millisekund. Oddiy qilib aytganda: 90 GB 8K film — 72 soniyada! Oddiy gigabitli tarmoq bunga 12 daqiqa sarflaydi. Eng qizig‘i: bir vaqtda bir nechta smart qurilma ishlasa ham — tarmoq barqaror. 8K videolar, bulutli o‘yinlar, “aqlli uy” tizimlari — barchasi uzluksiz ishladi. 2025 yil boshigacha Xitoyda 4,25 millionta 5G bazaviy stansiya o‘rnatilgan — bu ham dunyo bo‘yicha rekord! Siz 10G internetni tasavvur qildingizmi? Qachon bizga yetadi?

Buyuk Britaniyada yangi va bahsli dastur ishga tushirildi — u insonlar shaxsiy ma’lumotlari asosida kelajakda qotillik sodir etish ehtimoli bor shaxslarni aniqlashga qaratilgan. The Guardian'ning yozishicha, mazkur tashabbusga sobiq bosh vazir Rishi Sunak davrida asos solingan. Qotillikni bashorat qiluvchi algoritmlar? Adliya vazirligi tomonidan amalga oshirilayotgan mazkur loyiha shaxslarning pasport ma’lumotlari, sog‘lig‘i, qo‘lga olingan holatlari, jinoiy ishdagi ishtiroki, xatti-harakati, qurol saqlash tajribasi, hatto o‘zini shikastlagan holatlarini tahlil qiladi. Shuningdek, politsiyadan yordam so‘ragan jabrlanuvchilar haqidagi ma’lumotlar ham algoritmga kiritiladi. Ya’ni, ma’lum sabablarga ko‘ra huquq-tartibot organlari e’tiboriga tushgan shaxslar maxsus tizim tomonidan tahlil qilinadi va ularning qotillik sodir etish ehtimoli baholanadi. Fuqarolar xavfsizligi yoki shaxsiy hayot daxlsizligiga tajovuz? Britaniya Adliya vazirligi ushbu dasturni ilmiy tadqiqot maqsadida ishga tushirilayotganini va u orqali fuqarolar xavfsizligini ta’minlash niyat qilinganini ta’kidlamoqda. Biroq inson huquqlari faollari bu tashabbusni «qo‘rqinchli» va ishonchsiz deb baholamoqda. Statewatch tashkiloti ushbu dastur to‘g‘risida axborot erkinligi qonuniga asoslangan so‘rov ham yuborgan. Mutaxassislar bu kabi loyihalar avval ham joriy qilinganini, lekin ular irqiy, ijtimoiy va moliyaviy kamsitishlarni kuchaytirganini eslab o‘tishmoqda. Xavotirlarga asos bormi? Algoritmlar, albatta, ma’lumotlarga asoslanadi. Biroq insonlarning kelajakda qanday harakat qilishiga oid bashoratni aniqlash — hali ham bahsli masala. Qolaversa, shaxsiy ma’lumotlarning keng qamrovda tahlil qilinishi Britaniya jamiyatida shaxsiy hayot daxlsizligi va so‘z erkinligiga oid bahslarni yanada avj oldirishi mumkin.

NVIDIA kelasi haftada taqdim etilishi kutilayotgan GeForce RTX 5060 Ti videokartalarining tavsiya etilgan narxlarini e’lon qildi, deb pepelac.news xabar berdi. 8 GB xotirali model narxi taxminan 379 dollar yoki 4 927 000 so‘m, 16 GB versiyasi esa 429 dollar — ya’ni 5 577 000 so‘m atrofida bo‘ladi. Bu narxlar avvalgi prognozlardan past bo‘lib, NVIDIA yangi xaridorlarni jalb qilishga harakat qilmoqda. Texnik tavsiflar: GB206‑300 chipi, GDDR7 xotira (128-bit), 4 608 CUDA yadro, 144 Tensor va 36 RT yadro, 180 Vt quvvat sarfi, PCI Express 5.0 interfeysi.

Pepelac.news xabariga ko‘ra, Xitoydagi Sharqiy Xitoy universiteti olimi Jin Jin boshchiligidagi jamoa miya signallari orqali to‘rt oyoqli robotni boshqarishga imkon beruvchi yangi texnologiyani ishlab chiqdi. Texnologiya “miya-mashina gibrid interfeysi” deb nomlanadi. Yaqin masofali harakatlar uchun kengaytirilgan reallik, uzoq masofa uchun esa aralash reallik vositalari qo‘llaniladi. Bu tizim tibbiyotda nogironlarga robotik protezlar orqali yordam berishi, sanoatda esa xavfli zonalarda masofaviy robot boshqaruvini ta’minlashi mumkin. Texnologiya miyaning imkoniyatlaridan foydalanib, robototexnikani kundalik hayotga yaqinlashtirishda katta o‘rin egallaydi.

Fransiya-Polsha Webellian IT kompaniyasi O‘zbekistonda ro‘yxatdan o‘tib, Toshkentda o‘z vakolatxonasini ochishni rejalashtirmoqda, deb UZ24.uz xabar berdi. Kompaniya ma’lumotlarni tahlil qilish va bulutli texnologiyalar bilan ishlashga ixtisoslashgan. Kompaniya vakillari O‘zbekistonni tanlashlariga sabab sifatida iqtidorli mutaxassislarning ko‘pligi va soliq imtiyozlarini ko‘rsatishdi.

Amerika Qo‘shma Shtatlarining Texas shtati, Dallas shahrida yashovchi 14 yoshli o‘quvchi butun dunyo vrachlarini hayratga soldi. Uning nomini eslab qoling — Siddxartx Nandyala. Bu yosh ixtirochi yurak urishi orqali insonda yurak-qon tomir kasalliklari bor-yo‘qligini aniqlay oladigan sun’iy intellekt dasturini yaratdi! 7 soniyada yurak diagnostikasi — fantastika emas, real hayot Siddxartx yaratgan Circadian AI deb nomlangan mobil ilova oddiy smartfon mikrofoni orqali yurak urishi tovushini yozib oladi va atigi yetti soniya ichida tahlil qilib, tashxis qo‘yadi. Ilovaning aniqlik darajasi — 96 foiz, bu juda yuqori ko‘rsatkich! Dastur allaqachon sinovdan o‘tgan Ushbu sun’iy intellekt asosidagi ilova AQSHda 15 mingdan ortiq bemorda va Hindistonda 700 nafar bemorda sinab ko‘rildi. Xususan, Hindistonning Guntur shahridagi davlat shifoxonasida o‘tkazilgan amaliyot samaradorlikni to‘liq tasdiqladi. Global e’tirof va maqsad Siddxartx o‘z ixtirosini Haydarobodda bo‘lib o‘tgan Sun’iy intellekt sammitida taqdim etdi va ilovani avvalo tibbiy xizmatdan cheklangan hududlarda foydalanish uchun yaratganini ta’kidladi. — «Ko‘pchilikda tezkor tashxisga imkoniyat bo‘lmaydi. Agar biz yurak kasalligini erta aniqlasak, inson hayotini saqlab qolishimiz mumkin», — deydi yosh ixtirochi. Kattalar ham havas qiladi Siddxartx Nandyala hozirda Oracle va ARM kompaniyalari tomonidan sertifikatlangan eng yosh sun’iy intellekt mutaxassisi hisoblanadi. Qizig‘i shundaki, u allaqachon o‘rta maktabni yakunlab, Dallas universitetida kompyuter fanlari bo‘yicha tahsil olmoqda. Hindiston bosh vaziridan qo‘llab-quvvatlash Andhra-Pradesh shtati bosh vaziri yosh ixtirochi bilan shaxsan uchrashib, uning salohiyatini e’tirof etdi va kelgusidagi ilmiy ishlarini qo‘llab-quvvatlashini ma’lum qildi. Zamin.uz tahlili: Siddxartx Nandyala — bugungi kundagi texnologiya va ilmning qudratini namoyon qiluvchi yosh yo‘lboshchi. Uning yurak sog‘lig‘ini aniqlashga qaratilgan ilova nafaqat tibbiy inqilob, balki butun dunyodagi millionlab insonlar hayotini saqlab qolishga xizmat qiladi.

GeForce RTX 5060 Ti videokartasi o‘z imkoniyatlarini FurMark platformasida o‘tkazilgan test orqali namoyish etdi, deb xabar beradi pepelac.news. Qurilma 10 242 ball yig‘ib, oldingi avlod RTX 4060 Ti bilan deyarli teng natija ko‘rsatgan. Videokarta 10DE-2D04 indeksi bilan testdan o‘tkazilgan va ikki versiyasi qayd etilgan: biri 190 Vt, ikkinchisi 180 Vt quvvat iste’mol qiladi. Biroq ayrim texnik nosozliklar — dasturiy ta’minot (drayverlar) yoki apparat platformasiga bog‘liq bo‘lishi mumkin, chunki testda turli versiyadagi drayverlar ishlatilgan. NVIDIA hozirda yangi modelni chiqarish oldidan faol sinov va optimallashtirish ishlarini olib bormoqda. Bu kompaniya tomonidan yangi mahsulotlar taqdimoti oldidan doimiy amalga oshiriladigan tajribadir. Oldindan chiqqan ma’lumotlar va test natijalari foydalanuvchilarda samaradorlik va energiya tejamkorligi borasida katta qiziqish uyg‘otmoqda. Yaqin kunlarda NVIDIA rasmiy texnik tafsilotlarni e’lon qilishi кutilmoqda.

Apple'ning yangi smartfonlari AQSH prezidenti Donald Tramp ma’muriyatining bojxona to‘lovlari sababli 30 foizga qimmatlashishi mumkin. Bu haqda Reuters xabar bermoqda. Agentlik so‘rovnoma o‘tkazgan tahlilchilarning fikricha, Apple o‘z mahsulotlari, jumladan iPhone narxini 30-40 foizga oshirish orqali bojxona to‘lovlarining salbiy ta’sirini yumshatishi mumkin. Counterpoint Research kompaniyasi rahbari Nil Shoh aytishicha, import bojxona to‘lovlarini qoplash uchun Apple narxlarni uchdan birga oshirishga majbur bo‘ladi. Ta’kidlanishicha, Apple ishlab chiqarishning bir qismini Xitoydan Hindiston va Vetnamga ko‘chirgan, biroq bu mamlakatlar ham tegishli ravishda 26 va 46 foizlik bojxona to‘lovlari joriy etgan. “Bizning bashoratimizcha, Apple smartfonlar narxining sezilarli darajada oshirilishini iPhone 17 chiqishi kutilayotgan kuzga qoldiradi”, deydi tahlilchi Anjelo Zino. Rosenblatt Securities tahlilchilari bashoratiga ko‘ra, Apple'ning eng arzon smartfoni — iPhone 16e narxi 599 dollardan 856 dollargacha ko‘tarilishi mumkin. O‘z navbatida, iPhone 16 narxi 799 dollardan 1142 dollargacha, 1 terabaytli xotiraga ega flagman iPhone 16 Pro Max esa 1599 dollardan 2300 dollargacha qimmatlashadi. Nufuzli ichki ma’lumotlar manbasi Min-Chi Ko Apple AQSHdagi import bojxona to‘lovlariga qarshi kurashish maqsadida mahsulot narxini oshirishi yoki Hindistonda ishlab chiqarishni kengaytirishi mumkin. Foto: Reuters

Dunyoda ilk marta sun’iy intellekt oliy ta’lim muassasasiga talabalikka qabul qilindi. Euronews xabar berishicha, Flynn nomli neyrotarmoq raqamli san’at yo‘nalishi bo‘yicha tahsil oladi. Flynn universitetning standart qabul jarayonlaridan muvaffaqiyatli o‘tdi: u portfolio taqdim etdi, intervyuda qatnashdi va kirish imtihonlarini topshirdi. Qizig‘i shundaki, sun’iy intellekt o‘zining inson emasligini yashirmadi. Ammo bu holat universitet o‘qituvchilarida hech qanday shubha yoki qarshilik uyg‘otmadi. “Talabalar faqat inson bo‘lishi kerak degan yozma talab yo‘q. Aniq sabablarga ko‘ra, bu haqda hech kim avval o‘ylab ko‘rmagan”, — dedi universitetning raqamli san’at kafedrasi rahbari Liz Xaas. Uning ta’kidlashicha, Flynn intervyu jarayonida o‘zini juda yaxshi namoyon qilgan va yuqori darajadagi portfolio taqdim etgan. Flynn'ni yaratgan mutaxassislar sun’iy intellektni yanada takomillashtirish maqsadida uni darslar va talabalar bilan muloqotga jalb qilishlarini bildirishdi. U rasman kuzgi semestrdan boshlab ta’limni boshlashi kutilmoqda, ammo ayni paytdayoq ayrim darslarda ishtirok etmoqda. Bu voqea ta’lim sohasida yangi davrni boshlayotgani va sun’iy intellektning inson faoliyatiga qanday tez singib borayotganini yaqqol namoyon etmoqda.

Yaponiyaning mashhur Kawasaki kompaniyasi futuristik va texnologik jihatdan ilg‘or transport vositasi — Corleo robot-ot konsepsiyasini Osaka-Kansai Expo 2025 ko‘rgazmasida namoyish etdi. Bu shunchaki transport emas — u har qanday rel’efda harakatlana oladigan, to‘rt oyoqli, sun’iy intellektga ega inqilobiy robot. Yangi davr qahramoni: sun’iy aql va vodorod quvvati Corleo robot-ot zamonaviy vodorodli dvigatel va sun’iy intellekt (AI) bilan jihozlangan. SI orqali u yo‘lning shakli, tiklik darajasi va harakatdagi barqarorlikni tahlil qiladi, chavandozning og‘irligini e’tiborga olib, harakatini avtomatik muvofiqlashtiradi. To‘rtta mustaqil robot oyoq — har qanday rel’ef uchun Corleo‘ning eng ajoyib jihati — uning to‘rtta intellektual oyog‘i. Orqa oyoqlar oldingi oyoqlardan mustaqil ravishda yuqori-past harakatlanadi. Bu esa qorli tog‘lar, yomg‘irli shoxobchalar yoki nohamis teksliklardan oson o‘tish imkonini beradi. Yurish va yugurish paytida harakat samaradorligi yuqori darajada saqlanadi. Funksional dizayn va interaktiv boshqaruv Robot-otning korpusi aerodinamik shaklda yaratilgan, metall va ugleroddan tayyorlangan. Uning old qismida mototsiklni esga soluvchi “qalqonsimon” bosh qismi bor, faralari esa kunduz-tunning har qanday sharoitida yorug‘lik berishi mumkin. Boshqaruv tizimi an’anaviy tugmalarsiz — chavandozning og‘irlik markazini o‘zgartirishi bilan robot harakatni sezadi va muvofiq javob beradi. Qurilmadagi ilg‘or funksiyalar: Kauchukli "tuyoqlar" – sirpanishdan himoya, qattiq va yumshoq yuzalarda birdek samarador; Asboblar paneli – vodorod quvvati, navigatsiya, barqarorlik va tortishish markazini ko‘rsatuvchi HUD-displey; Sakrab o‘tish qobiliyati – yuqori relefli joylar va to‘siqlarni yengib o‘tish imkoni. Qachon chiqishi mumkin? Hozirda bu faqat konsepsiya sifatida taqdim etilgan bo‘lib, texnik jihatlari to‘liq ochiqlanmagan. Kompaniya ma’lum qilishicha, Corleo‘ni real bozorga chiqarish 2050 yilgacha rejalashtirilgan. Tezligi, batareya avtonomligi kabi texnik ma’lumotlar hozircha maxfiy saqlanmoqda. Kelajakdagi yo‘ltanlamas — bugungi tasavvurda Kawasaki'ning Corleo robot-oti — bu nafaqat transport vositasi, balki odam bilan texnologiya o‘rtasidagi yangi muloqot usuli. U nafaqat sharqona zehn, balki zamonaviy texnologiyaning cho‘qqisidir. Agar Corleo konsepsiyasi amalga oshsa, transport vositalariga bo‘lgan qarashlar butunlay o‘zgaradi.

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

O‘zbekiston Markaziy banki 2025 yil 12 sentabr kuni uchun xorijiy valutalarning rasmiy kurslarini e’lon qildi. Bu haqida Zamin.uz xabar berdi. Ma’lum qilinishicha, ushbu sanada barcha asosiy xorijiy valyutalarning milliy valyutaga nisbatan qiymati oshgan. Jumladan, AQSH dollari 86,49 so‘mga ko‘tarilib, 12 447,35 so‘mni tashkil etdi. Yevro kursi 66,46 so‘mga oshib, 14 545,97 so‘mga yetdi. Shuningdek, Birlashgan Qirollik funti 68,59 so‘mga o‘sib, 16 808,90 so‘mga ko‘tarildi. Rossiya rubli 0,42 so‘mga oshib, 146,08 so‘mga teng bo‘ldi. Xitoy yuani 11,33 so‘mga ko‘tarilib, 1 747,09 so‘mni tashkil etdi. Yapon iyenasi 0,27 so‘mga oshib, 84,12 so‘mga yetdi. Qozog‘iston tengesi ham 0,13 so‘mga ko‘tarilib, 23,09 so‘m qiymatga ega bo‘ldi. Ushbu o‘zgarishlar valyuta bozoridagi so‘nggi holatni aks ettiradi va iqtisodiy faoliyatda muhim ahamiyatga ega. Markaziy bankning rasmiy kurslari valyuta ayirboshlash operatsiyalarida asosiy ko‘rsatkich hisoblanadi. Shuningdek, ular eksport-import faoliyatiga ham ta’sir ko‘rsatadi. Valyuta kurslarining oshishi milliy valyutaning kuchlanishini ko‘rsatadi va iqtisodiy sharoitlarni tahlil qilishda muhimdir. Bu ma’lumotlar iqtisodiy rejalashtirish va moliyaviy qarorlar qabul qilishda yordam beradi. O‘zbekiston iqtisodiyoti uchun barqaror valyuta kurslari muhim ahamiyatga ega bo‘lib, ular mamlakatning moliyaviy barqarorligini ta’minlashga xizmat qiladi.

Berlin shahrida o‘tkazilgan IFA 2025 xalqaro ko‘rgazmasida Xitoyning Ant Group kompaniyasi yangi odamsimon robotini taqdim etdi. Bu haqida Zamin.uz xabar berdi. Robbyant R1 nomli ushbu robot nafaqat oshxonada ovqat tayyorlash, balki muzeylarda gidlik qilish va dorixonalarda yordamchi vazifasini bajarishga qodir. Robot turli vazifalarni aniq va samarali bajaradi, masalan, masalliqlarni tanlash, plita oldida ishlash, taom tayyorlash va dasturxonga tortish jarayonlarini mukammal bajaradi. R1 robotining asosiy afzalligi uning BaiLing sun’iy intellekt tizimiga ega bo‘lishidir. Bu tizim robotga ishni boshidan oxirigacha anglash imkonini beradi. Shuningdek, robot fazoviy idrok tizimi yordamida pichoq, taxta va sabzavot kabi buyumlarni aniq ajrata oladi va ularga ehtiyotkorlik bilan munosabatda bo‘ladi. Maxsus sensorlar va ilg‘or algoritmlar yordamida harakatlari xavfsiz va samarali amalga oshiriladi. Kompaniya vakillari ta’kidlaganidek, R1 robotidan nafaqat restoranlarda, balki sog‘liqni saqlash muassasalari, turizm sohasi va keksalarga xizmat ko‘rsatishda ham keng foydalanish mumkin. Shu sababli, robot kundalik hayotda va turli xizmat ko‘rsatish tarmoqlarida keng qo‘llanilishi rejalashtirilmoqda. Ant Group Alibaba Group tarkibiga kiradi va kompaniya yevropalik hamkorlar bilan hamkorlikni rivojlantirish ustida faol ish olib bormoqda. Mutaxassislarning fikricha, ushbu innovatsiya kelajakda butun dunyo restoranlari va xizmat ko‘rsatish sohasini tubdan o‘zgartirishi mumkin. Bu robot yangi texnologiyalar yordamida inson hayotini yengillashtirishda muhim rol o‘ynaydi.

So‘nggi paytlarda odamlar shaxsiy hayotlari, ma'naviy muammolari va ichki osoyishtalik izlash maqsadida sun’iy intellekt asosidagi chatbotlarga murojaat qilmoqda. Bu haqda Zamin.uz xabar berdi. Bu holat texnologiyaning inson ehtiyojlarining yangi va muhim sohasiga kirib borayotganidan dalolat beradi. Ruhiy maslahat beruvchi chatbotlar turli diniy yo‘nalishlar, meditatsiya usullari va shaxsiy rivojlanish bo‘yicha foydali tavsiyalar beradi. Foydalanuvchilar ularni tezkor javob berishi, hukmsiz bo‘lishi va doim mavjudligi sababli tanlaydi. Mutaxassislarning fikricha, bunday chatbotlar haqiqiy ruhiy maslahatchilarni to‘liq o‘rnini bosa olmasa-da, odamlarni yolg‘izlik hissidan qutqarishda yordam beradi. Bu esa zamonaviy jamiyatda ma'naviy suhbatga bo‘lgan ehtiyojning oshib borayotganini ko‘rsatadi. Shu sababli sun’iy intellekt ruhiy qo‘llab-quvvatlash sohasida muhim vosita sifatida qaralmoqda.

Yevropa Ittifoqi tomonidan joriy etilgan yangi majburiy chidamlilik sinovlari Apple kompaniyasining eng so‘nggi flagmani bo‘lgan iPhone 17 modelida jiddiy kamchiliklarni aniqladi. Bu haqda Zamin.uz xabar berdi. Qurilmaning batareyasi sezilarli darajada yaxshilangan bo‘lsa-da, uning yiqilish va tashqi ta’sirlarga chidamliligi raqobatchi brendlardan past ekanligi ma’lum bo‘ldi. GSMArena nashri xabariga ko‘ra, Yevropa Ittifoqida joriy qilingan maxsus markalash tizimi har bir elektron qurilmaning chidamlilik va ta’mirlanuvchanlik darajasini belgilaydi. Ushbu tizim asosida o‘tkazilgan sinovlarda iPhone 17 Pro Max B sinfiga mansub deb topildi. Bu qurilma taxminan 180 marta yiqilish sinoviga bardosh bera olishini anglatadi. O‘tgan yilgi iPhone 16 Pro Max esa C sinfiga kiritilib, faqat 90 marta yiqilishdan keyin chidamlilik ko‘rsatgan edi. Yangi modelda bu ko‘rsatkich ikki barobar oshgan bo‘lsa-da, hali ham yetakchi raqobatchilardan orqada qolmoqda. Masalan, Samsung Galaxy S25 Ultra va Google Pixel 10 Pro XL kabi so‘nggi flagmanlar 270 marta yiqilish sinovidan muvaffaqiyatli o‘tib, eng yuqori A sinfiga kiritilgan. Bu Apple smartfonlari kundalik foydalanishda ko‘proq shikastlanish xavfi borligini ko‘rsatadi. Shuningdek, yumshoq korpusga ega bo‘lgan iPhone Air Pro Max ham B sinfi natijalarini qayd etdi. Ta’mirlanish imkoniyatlari bo‘yicha ham iPhone 17 raqobatchilardan orqada qolmoqda. Qurilma S sinfiga kiritilgan, bu Samsung bilan bir xil, ammo Google Pixel B sinfiga mansub bo‘lib, ta’mirlash jihatidan yaxshiroq hisoblanadi. Biroq, iPhone 17 Pro Max batareyasi energiya samaradorligi bo‘yicha yuqori ko‘rsatkichga ega bo‘lib, A sinfiga kiritilgan va uning ishlash muddati 53 soatga yetgan. Bu ko‘rsatkich ko‘pgina raqobatchilardan ustun hisoblanadi. Shunga qaramay, Apple batareyasi atigi 1000 ta zaryadlanish sikliga mo‘ljallangan, Samsung qurilmalaridagi akkumulyatorlar esa 2000 siklgacha xizmat qilishi mumkin. Bu amalda ikki barobar uzoq umrga ega ekanligini bildiradi.

Germaniyada sun’iy intellektdan foydalanish so‘nggi yillarda sezilarli darajada oshgan. Bu haqda Zamin.uz xabar berdi. Bitkom raqamli uyushmasi tomonidan o‘tkazilgan so‘nggi tadqiqot natijalariga ko‘ra, mamlakatdagi har uchinchi kompaniya sun’iy intellekt texnologiyalarini faol ravishda ishga solgan. Tadqiqot 15 sentyabr kuni e’lon qilindi. Ma’lumotlarga ko‘ra, ishtirok etgan kompaniyalarning 36 foizi hozirda sun’iy intellektdan foydalanmoqda. Shuningdek, 47 foiz korxona yaqin kelajakda bu texnologiyani joriy etishni rejalashtirmoqda yoki hozirda uning ustida ish olib bormoqda. Faqatgina 17 foiz kompaniya sun’iy intellektni biznes jarayonlariga kiritish niyatida emasligini bildirgan. So‘nggi yillarda Germaniyada sun’iy intellektdan foydalanadigan korxonalar soni deyarli ikki barobarga ko‘paygan. Ayniqsa, mijozlar bilan muloqot, marketing va kommunikatsiya sohalarida bu texnologiyadan keng foydalanilmoqda. Bundan tashqari, tadqiqot va ishlab chiqish, ishlab chiqarish jarayonlari hamda nazorat va hisob-kitob tizimlarida sun’iy intellektning qo‘llanilishi ortib bormoqda. So‘rov natijalariga ko‘ra, Germaniyadagi o‘nta kompaniyadan sakkiztasi sun’iy intellektni kelajakda asosiy va hal qiluvchi texnologiya deb hisoblaydi. Mutaxassislar ta’kidlashicha, bu jarayon mamlakat iqtisodiyotining raqamlashtirilishini tezlashtiradi va innovatsiyalarni rivojlantirishga keng imkon yaratadi.

Microsoft va OpenAI o‘rtasida yangi kelishuv imzolandi. Bu haqda Zamin.uz xabar berdi. Ushbu kelishuv OpenAI’ga daromad olishga yo‘naltirilgan kompaniyaga aylanish imkonini beradi. Bu esa sun’iy intellekt sohasidagi hamkorlikni yangi bosqichga olib chiqadi. Hozircha kelishuv tafsilotlari to‘liq ochiqlanmagan, biroq tomonlar yakuniy shartnoma ustida ishlashda davom etmoqda. So‘nggi yillarda OpenAI katta daromadga erishib, xalqaro miqyosda faoliyatini kengaytirishni maqsad qilgan. Microsoft 2019-yilda OpenAI’ga bir milliard dollar, 2023-yilda esa o‘n milliard dollar sarmoya kiritgan. Dastlab, Microsoft OpenAI mahsulotlarini faqat o‘zining Azure platformasi orqali taqdim etgan bo‘lsa, hozirda Oracle va Google bilan ham hamkorlik qilmoqda. OpenAI tuzilmasidagi o‘zgarishlar AQSh hukumatining ruxsatini talab qiladi. Agar bu jarayon yil oxirigacha yakunlanmasa, kompaniya katta moliyaviy zarar ko‘rishi mumkin. Shu bilan birga, Microsoft sun’iy intellekt sohasidagi o‘z ishlanmalarini mustaqil ravishda rivojlantirishga ham katta e’tibor bermoqda. Bu esa texnologiya sohasida raqobatbardoshlikni oshirishga xizmat qiladi. Umuman olganda, yangi kelishuv sun’iy intellekt sohasida muhim o‘zgarishlar va yangi imkoniyatlar eshigini ochmoqda.

Albaniyada dunyoda birinchi marta sun’iy intellekt asosida ishlaydigan vazir lavozimi yaratildi. Bu haqida Zamin.uz xabar berdi. Ushbu yangilik haqida Telegram kanali xabar berdi. Yangi sun’iy intellekt vaziriga Diella nomi berilgan bo‘lib, bu so‘z alban tilida «quyosh» degan ma’noni anglatadi. Diella davlat tenderlarini o‘tkazish va davlat xaridlarida qaysi xususiy kompaniyalar bilan shartnoma tuzilishini belgilash vazifasini bajaradi. Albaniya bosh vaziri Edi Ramning ta’kidlashicha, sun’iy intellekt vaziri «sotib olinmaydigan» bo‘lib, bu davlat xaridlari sohasida korrupsiyaning oldini olishga yordam beradi. Ushbu model e-Albania platformasida faoliyat yuritadi va fuqarolarga turli davlat xizmatlaridan foydalanishni ta’minlaydi. Foydalanuvchilar Diella avatari orqali milliy alban libosida ko‘rinadigan sun’iy intellekt vaziri bilan muloqot qilish imkoniyatiga ega bo‘ladi. Bu yangilik davlat boshqaruvida texnologiyalarning joriy etilishi va korrupsiyaga qarshi kurashishda yangi bosqichni anglatadi. Albaniyada amalga oshirilayotgan ushbu loyiha boshqa davlatlar uchun ham namunali bo‘lishi mumkin. Sun’iy intellekt yordamida davlat xizmatlarining oshkoraligi va samaradorligini oshirish maqsad qilingan. Bu esa aholining davlat organlariga bo‘lgan ishonchini mustahkamlashga xizmat qiladi. Shu tariqa, texnologik rivojlanish va davlat boshqaruvi sohasida innovatsiyalarni joriy etish orqali jamiyatning farovonligi ta’minlanadi.