Texnologiya yangiliklari

AMD 28-fevral kuni YouTube orqali jonli efir o‘tkazib, yangi Radeon RX 9000 seriyali grafik kartalarining texnik xususiyatlari va narxlari haqida ma’lumot beradi. Geymerlar ushbu taqdimotni CES 2025 ko‘rgazmasida kutgan edi, biroq AMD faqat qisqa teaser bilan cheklangan va asosiy taqdimotni alohida o‘tkazishga qaror qilgan edi. NVIDIA esa ushbu e’lon fonida RTX 5070 modelining chiqarilishini fevral oxiridan 5-martga ko‘chirdi, biroq RTX 5070 Ti 20-fevral kuni rejalashtirilganidek sotuvga chiqadi. Aftidan, NVIDIA RX 9070 va 9070 XT faqat RTX 5070 modeli bilan raqobat qilishi mumkin deb hisoblab, uning chiqishini keyinga surgan.

OpenAI rahbari Sem Altman ijtimoiy tarmoq X dagi postida sun'iy intellektning yangi modeli – GPT-5 barcha foydalanuvchilar uchun butunlay bepul taqdim etilishini e'lon qildi. “ChatGPT ning bepul obunachilari GPT-5 ning asosiy funktsiyalaridan cheklovsiz foydalanish imkoniga ega boʻladilar. Plus va Pro obunachilar esa ovoz va tasvir yaratish, chuqur ma'lumot tahlili kabi qoʻshimcha imkoniyatlarga ega boʻladilar”, – deb yozdi Altman. Bundan tashqari, OpenAI rahbari tez orada GPT-4.5 modelining yangilanishi – ichki nomi Orion boʻlgan versiya chiqarilishini e'lon qildi. Ushbu yangilanishdan soʻng kompaniyaning asosiy maqsadi barcha modellarni yagona tizimga birlashtirish va barcha vositalardan foydalanish imkoniyatini yaratish boʻladi. Altman soʻzlariga koʻra, OpenAI mahsulotlarini yanada qulay va tushunarli qilishni maqsad qilgan boʻlib, bularni yagona ekotizimga birlashtirish ustida ishlamoqda.

Google bozor ulushini yo‘qotmoqda, ammo hali ham 95% ni nazorat qiladi. Sun’iy intellekt asosidagi qidiruv tizimlari rivojlanayotgan bo‘lsa-da, Google hali ham raqobatchilarsiz qolmoqda. Seranking 2024 hisobotiga ko‘ra, kompaniyaning qidiruv bozoridagi ulushi 0,91% ga kamaygan, ammo u hali ham 95% organik trafikni ta’minlaydi. Eng yaqin raqobatchi Microsoft Bing 0,17% o‘sish bilan 3,51% ga yetdi. DuckDuckGo va Yahoo esa bozorning 1% dan kam ulushiga ega bo‘lib qolmoqda. Sun’iy intellekt qidiruvlari ommalashmoqda 2024-yilda ChatGPT qidiruvi tez rivojlanib, 0,09% bozor ulushiga yetdi, Perplexity esa 0,02% ga o‘sdi. Ammo bu natijalar Google pozitsiyalariga jiddiy ta’sir ko‘rsatmaydi. Microsoft Bing’ga sun’iy intellekt integratsiyasini joriy qilib, Google foydalanuvchilarini o‘ziga jalb qilishni rejalashtirmoqda. Ammo Google AI Overviews va Gemini 2.0 kabi innovatsion texnologiyalari bilan o‘z yetakchiligini saqlab qolyapti. Google hozircha 24 barobar katta ulushga ega bo‘lib, qidiruv bozorining mutlaq yetakchisi bo‘lib qolmoqda.

Geekbench bazasida Intel Core i9-15900K protsessori paydo boʻldi. Biroq, uning yadrolari va oqimlari soni Core i9-14900K bilan mos kelishi sababli, bu model notoʻgʻri identifikatsiya qilingan muhandislik namunasi boʻlishi mumkin. Protsessor 24 yadro va 32 oqim, shuningdek 8 MB L2 va 36 MB L3 keshga ega. U LGA 1700 soketida ishlaydi va Raptor Lake yoki Raptor Lake Refresh seriyasiga tegishli. Aslida Intel'ning haqiqiy 15-avlod (Arrow Lake) protsessorlari boshqa identifikatorga ega. Geekbench testlari natijalari umidsizlikka sabab boʻldi: Yagona yadro testi – 2279 ball Koʻp yadroli testi – 11690 ball Bu Core i9-14900K natijalaridan ancha past (taxminan 3000 va 20000 ball). Bundan tashqari, 15900K protsessorining tezligi ham past: bazaviy chastotasi 800 MHz, maksimal Boost 4.8 GHz, holbuki 14900K ning maksimal chastotasi 5.8 GHz. Test JGINYUE B760I Snow Dream anokartida oʻtkazilgan. Intel 15000-seriyasini chiqarishni rejalashtirmayotganini tasdiqladi. Bu faqat notoʻgʻri aniqlangan Core Ultra 2 vakili boʻlib, yangi avlod protsessorlar tez orada paydo boʻlmaydi.

Xitoylik texnobloger Electrolytic Sodium Carbonate (ESC) oʻzining noodatiy sovutish tizimini ishlab chiqdi. U shaxsiy kompyuterini Xiaomi KFR-35GW konditsioneriga (12 000 BTU) ulab, rekord darajadagi past haroratlarni qayd etdi. Test uchun Intel Core i9-13900K va Nvidia GeForce RTX 4090’dan iborat tizim ishlatildi. Ammo blogerning fikricha, bu sovutish usuli Intel Core i9-14900K va Nvidia RTX 5090 kabi yanada kuchli qurilmalar uchun ham mukammal boʻladi. U hozirda yangi RTX 5090 uchun mos keladigan suv bloki chiqishini kutmoqda. Bunday sovutish tizimini yaratish uchun konditsioner sezilarli darajada modifikatsiya qilindi. Qurilmaning oʻlchami 765 × 268 × 550 mm boʻlib, samaradorligi yuqori ekanligi isbotlandi. FurMark va AIDA System Stability Test kabi stress-testlar yordamida 40 daqiqalik yuklamadan soʻng, protsessor yadrolari dastlabki haroratidan atigi bir necha daraja issiqroq boʻldi. Keyinchalik konditsioner tashqariga olib chiqildi. GPU harorati dastlab atigi 2 °C boʻldi, yuklama paytida esa 12 °C gacha koʻtarildi. Qayta oʻtkazilgan testlarda esa maksimal harorat 20–36 °C oraligʻida boʻldi. Loyihani ishlab chiqqan bloger bu sovutish tizimi kelajakdagi Nvidia RTX 6090 uchun ham mos kelishini ta'kidlamoqda.

Nvidia RTX 5090 Founders Edition (FE) videokartasining quvvat porti kuyib ketgan ilk holat qayd etildi. Reddit foydalanuvchilaridan biri Battlefield 5 oʻynayotgan paytda yonish hidini sezganini va bu muammo quvvat porti hamda kabelga ta'sir qilganini ma'lum qildi. Ma'lum boʻlishicha, videokarta Asus quvvat bloki (BP) orqali ulanib, lekin standart kabel oʻrniga uchinchi tomon ishlab chiqaruvchining kabeli ishlatilgan. Taxminlarga koʻra, kabel katta yuklamaga bardosh berolmagan. Foydalanuvchi ushbu kabelni avvalgi RTX 4090 bilan ikki yildan ortiq vaqt davomida ishlatganini va muammo boʻlmaganini aytgan. Shuningdek, u konnektorni toʻgʻri joylashtirganini ham ta'kidlagan. RTX 4090 ham avval quvvat porti muammolari bilan tanilgan edi. Biroq Nvidia muammoni hal qilish uchun eski 16-kontaktli 12VHPWR dizaynidan voz kechib, uni yanada ishonchliroq 12V-2x6 standartiga almashtirdi. Yangi RTX 5090 kartalarida aynan shu tizim ishlatilgan.

Amerikalik mobil operator T-Mobile Starlink sputnik aloqasi uchun beta-sinovlarni boshlaganini e'lon qildi. Sinovda AT&T va Verizon operatorlari foydalanuvchilari ham qatnashishi mumkin. Hozircha iMessage orqali yozishma va SMS yuborish imkoniyati mavjud boʻlib, keyinchalik internet va ovozli qoʻngʻiroqlar ham qoʻshiladi. Bepul test iyulgacha davom etadi. Smartfonlar uchun talablar: - iPhone 14 va undan yuqori (Plus, Pro, Pro Max) - Google Pixel 9 (Pro, Pro Fold, Pro XL) - Samsung Galaxy A14, A15, A16, A35, A53, A54 - Samsung Galaxy S21 va undan yuqori (Plus, Ultra, FE) - Samsung Galaxy X Cover6 Pro - Samsung Galaxy Z Fold3 va Z Flip3 va undan yuqori Barcha qurilmalar iOS yoki Android’ning oxirgi versiyasiga ega boʻlishi shart. Agar operator T-Mobile boʻlmasa, maxsus tarif rejasi talab qilinadi.

Apple robototexnika boʻyicha mutaxassislarni yollamoqda – uy robotlari yaqinlashyaptimi? Apple robototexnika boʻlimini kengaytirib, yangi mutaxassislarni jalb qilmoqda, deb xabar bermoqda Bloomberg nashrining tahlilchisi Mark Gurman. Bu kompaniya uy robotlari yaratish ustida jiddiy ish olib borayotganini anglatishi mumkin. Nima boʻlyapti? Apple’da robototexnika bilan shugʻullanuvchi ikkita maxsus boʻlim faoliyat yuritmoqda: — Home Labs (apparat ta'minoti ishlanmalari); — Kevin Linch boshqaruvidagi II maxsus loyihalar jamoasi. Bu jamoalar avval Apple’ning avtonom avtomobillar loyihasi ustida ishlagan, lekin ushbu loyiha yopilgandan soʻng, robototexnikaga oʻtishgan. Apple qanday ishlanmalar ustida ishlamoqda? — Kompaniya allaqachon Pixar uslubidagi robot-chiroq prototipini taqdim etgan. — Ekranli robot-qoʻl ustida ishlar ketmoqda. — Insonsimon robotlar yaratishga qiziqish borligi haqida mish-mishlar tarqalgan. — Oxirgi haftalarda Apple robototexnika mutaxassislari uchun koʻplab ish oʻrinlari e'lon qilmoqda. Kelajakda nima kutyapti? Agar ushbu loyiha Apple Car’ning taqdiriga uchramasa, yaqin yillarda Apple’ning oʻz iRobot’i paydo boʻlishi mumkin.

OpenAI birinchi marta Super Bowl maydonida 60 soniyalik, $14 millionlik reklama bilan chiqdi. Ushbu video sun'iy intellektni insoniyatning eng buyuk texnologiyaviy yutuqlarining mantiqiy davomi sifatida namoish etadi. Puantalizm uslubida tayyorlangan animatsiya yogʻoch yoqishdan va gʻildirakning ixtirosidan tortib, DNK sekventsiyasi va koinot tadqiqotlarigacha boʻlgan asosiy bosqichlarni aks ettiradi. Yakuniy qismda ChatGPT real hayotdagi vazifalarni hal qilishga yordam berayotgani koʻrsatiladi, bu esa sun'iy intellektning kundalik hayotimizdagi ahamiyatini ta'kidlaydi. Reklama kampaniyasining maqsadi - OpenAI’ning yangi marketing direktori Keyt Rouch texnologiyani keng auditoriyaga tushunarli qilish strategiyasini tanlagan. - Reklamda AGI (Kuchli sun'iy intellekt) haqida hech qanday eslama yoʻq, bu texnologiyaning real hayotdagi amaliyotga qaratilganligini koʻrsatishga yoʻnaltirilgan. - OpenAI oʻzining video generatori Sora dan gʻoyalarni test qilish uchun foydalangan, ammo yakuniy versiya butunlay qoʻlda chizilgan. Bozor va raqobat - OpenAI 2024 yilda $11,6 milliard daromad kutmoqda va kompaniyaning umumiy bahosi $300 milliardga etishi mumkin. -Reklama kompaniya uchun juda muhim paytda chiqarildi, chunki AI bozori Google va Meta kabi yirik kompaniyalar bilan raqobat kuchaygan holatda. - Google yaqinda Olimpiadaga tayyorlagan AI reklamasini jamoatchilikning salbiy reaktsiyasi tufayli efirdan olib tashlagan. AI’ning kelajagi va OpenAI’ning pozitsiyasi -OpenAI AI’ni insoniyatning eng muhim ixtirolaridan biri sifatida koʻrsatmoqda. - Ba'zi skeptiklar bunday taqqoslash ortiqcha ekanini aytishlari mumkin, ammo kompaniya sun'iy intellektning kelajakdagi imkoniyatlariga ishonchini bildirmoqda. - OpenAI mavjud shubhalarga qaramay, AI texnologiyasini rivojlantirishni davom ettirishini e'lon qildi.

Microsoft kompaniyasi Windows 11 da oʻyinlarga ta'sir qilgan xatolarni tasdiqlaganidan ikki hafta oʻtmay, tasvir va ovoz muammolarini bartaraf etuvchi yangilanishni chiqardi. Endi foydalanuvchilar operatsion tizimni BSOD (oʻlim ekrani) va boshqa muammolardan qoʻrqmasdan yangilashlari mumkin. Muammo nimada edi? - Auto HDR funktsiyasining yoqilishi ba'zi kompyuterlarda muzlash yoki notoʻgʻri rang uzatilishi muammolariga sabab boʻlgan. - Ayrim oʻyinlar javob berishdan toʻxtagan yoki umuman ishlamay qolgan. Yechim: - KB5050094 yangilanishi bu muammolarni hal qiladi. - Windows 11 Home va Pro 22H2/23H2 versiyalari foydalanuvchilari bu 24H2 versiyasiga yangilashlari mumkin. - Yangilash qoʻlda amalga oshiriladi – u ixtiyoriy yangilanishlar menyusi orqali yoki Microsoft’ning rasmiy saytidan yuklab olinishi mumkin. Microsoft ilgari ba'zi qurilmalarda quloqchin va veb-kameralar bilan bogʻliq muammolarni ham hal qilganini ma'lum qilgan edi.

Dasturchilar koʻp yillardan beri mashhur DOOM oʻyinini turli qurilmalarda ishga tushirishga harakat qilib kelishmoqda. Ilgari ushbu klassik shuter brauzerga moslashtirilgan boʻlsa, endi esa u Google qidiruv satrida ham ishga tushdi. Pedro Webber ismli dasturchi DOOM’ni Google qidiruv satrida ishga tushirish imkonini beruvchi skript yozdi. U oʻyin portini Python’da yaratib, uni qidiruv tizimi orqali ishga tushirish uchun moslashtirdi. Jarayon davomida maxsus tuzatishlar talab qilingan boʻlsa-da, natija ijobiy boʻldi. Oʻyin qora-oq rejimda va past kadr tezligida ishlaydi, ammo hatto geympad orqali ham boshqarish mumkin. Bunga oʻxshash loyihalar avval ham amalga oshirilgan. Boshqa bir dasturchi DOOM’ni Chromium brauzerlarini qoʻllab-quvvatlaydigan PDF faylda ishga tushiradigan skript yaratgan edi. Bundan tashqari, oʻyin kapcha, Telegram messenjeri va boshqa noodatiy platformalarga ham moslashtirilgan.

Buyuk Britaniya va Chililik olimlar guruhi oʻz-oʻzini tiklay oladigan yangi yoʻl qoplamasini taqdim etdi. Ushbu material daraxtlar va ayrim hayvonlarda kuzatiladigan tabiiy regeneratsiya mexanizmlaridan ilhomlangan. Oʻz-oʻzini tiklay oladigan asfalt Tadqiqotchilar sun'iy intellekt va mashinaviy oʻrganish usullaridan foydalanib, murakkab organik suyuqliklar, jumladan, bitum tarkibidagi birikmalarni tahlil qilishdi. Bu orqali atom darajasidagi modellashtirish jarayonini tezlashtirish imkonini beruvchi yangi model yaratildi. Shuningdek, Google Cloud texnologiyasi kimyoviy xususiyatlarni tahlil qilib, virtual molekulalar yaratishga yordam berdi. Bugungi kunda bunday yondashuv farmatsevtika sohasida dori vositalarini ishlab chiqishda qoʻllaniladi. Laboratoriya sinovlari shuni koʻrsatdiki, yangi asfalt qoplamadagi mayda yoriqlarni atigi bir soat ichida bartaraf eta oladi. Bunday samaradorlik qayta ishlangan materiallardan olingan tabiiy mikrokapsulalar – sporalar va tiklovchi komponentlar hisobiga erishiladi. Kelajakda ushbu texnologiya yoʻl infratuzilmasini saqlash xarajatlarini kamaytirishga yordam beradi. Ta'mirlash ehtiyojining pasayishi tufayli oʻz-oʻzini tiklay oladigan asfalt ekologik va iqtisodiy jihatdan foydali echim sifatida qaralmoqda.

8-fevral kuni Kingdom Come: Deliverance 2 Steam’da 230 ming foydalanuvchi bilan onlayn rekordini oʻrnatdi. Ammo oradan bir kun oʻtib, bu natija yangilandi. Endi yangi rekord 252 490 nafar bir vaqtning oʻzida oʻynagan foydalanuvchini tashkil qilmoqda. Katta ehtimol bilan dam olish kunlari yoki keyingi hafta bu raqam yana oshishi mumkin. Kingdom Come: Deliverance 2 ushbu natijaga atigi bir haftaga yaqin vaqt ichida erishdi. Oʻyin 4-fevral kuni chiqarilgan boʻlib, fevral oyida katta raqobatchilarning yoʻqligi unga qoʻshimcha ustunlik berdi. Warhorse Studios rahbari Daniel Vavra ta'kidlashicha, oʻyin chiqarilish sanasi Assassin’s Creed Shadows’dan uzoqlashish maqsadida aynan shu kunga belgilangan. Natijada, Assassin’s Creed Shadows mart oyiga koʻchirildi. Shuningdek, Kingdom Come: Deliverance 2 sotuvlarning ilk kunidayoq bir million nusxadan oshdi. Tez orada ishlab chiquvchilar ikkinchi millionga ham erishganini e'lon qilishi mumkin. Manba: kanobu.ru

Huawei kompaniyasi AQSh sanktsiyalariga qaramasdan 2024-yilda 118 milliard dollar daromad oldi. Bu natija oʻtgan yilga nisbatan 22% oʻsish boʻlib, tahlilchilarning prognozlaridan ham yuqori boʻldi. Huawei muvaffaqiyatining asosiy omillari: - Smartfon bozori – Xitoyda oʻzining Kirin chipsetlari bilan mustahkam joy egalladi. - Avtomobil sohasida rivojlanish – Kompaniya avtomobillar uchun dasturiy ta'minot ishlab chiqmoqda. - Sun'iy intellekt (AI) chiplarini yaratish – Yangi Ascend 910C chipi Huawei’ning keyingi katta qadamiga aylanishi mumkin. Shunday qilib, Huawei global bozor bosimlariga bardosh berib, texnologik yutuqlar orqali oʻz mavqeini mustahkamlashda davom etmoqda.

Sony PlayStation Network (PSN) xizmatidagi 20 soat davom etgan uzilish sababini "operatsion muammo" bilan izohladi. Muammo tafsilotlari: - PSN ishlashi tiklandi, PlayStation xizmatlari yana barqaror ishlamoqda. - PS Plus obunachilariga 5 kunlik bepul obuna taqdim etiladi. - Sony uzilishning aniq sabablari yoki oldini olish choralari haqida tafsilot bermadi. Monitor natijalari: - 50% oʻyinchilarda oʻyin ichida muammolar kuzatildi. - 35% foydalanuvchilar tizimga kira olmadi. - Qolganlari esa server ishlamayotganidan shikoyat qilishdi. Geymerlar hatto yakka oʻyin rejimida ham PSN akkaunti talab qilinishi tanqid qilmoqda va bu uzilish ushbu e'tirozlarning oʻrinli ekanini koʻrsatdi.

Telegram’ning so‘nggi yangilanishidan so‘ng foydalanuvchilar orasida ko‘plab shikoyatlar paydo bo‘ldi. Ular yangi versiya smartfonlarning haddan tashqari qizishi va batareyaning tez zaryad tugashi kabi muammolarni keltirib chiqarayotganini aytishmoqda. Ayniqsa, messenjerning fon rejimida yuqori faolligi kuzatilgan. Bu holat ko‘plab foydalanuvchilarni xavotirga solmoqda. Ushbu muammolar yuzasidan Rossiya Federatsiyasi Kengashining Raqamli iqtisodiyot bo‘yicha rivojlantirish kengashi raisi o‘rinbosari Artem Sheykin “Kasperskiy laboratoriyasi” mutaxassislariga murojaat qildi. Mutaxassislarning tavsiyasi: “Kasperskiy laboratoriyasi”ning javobiga ko‘ra, foydalanuvchilarga smartfon holatini diqqat bilan kuzatish tavsiya etiladi. Agar qurilma qizib ketayotgan bo‘lsa, messenjerning ishlashini darhol to‘xtatish lozim. Sheykinning so‘zlariga ko‘ra: "Smartfoningiz qizib ketayotganini sezsangiz, Telegram ilovasini yopishingiz muhim. Bu qurilmani ishlamay qolishidan himoya qilishga yordam beradi." Shu sababli, foydalanuvchilarga messenjerdan foydalanishda ehtiyot bo‘lish va qurilmaning haddan tashqari qizishiga yo‘l qo‘ymaslik tavsiya etiladi.

Massachusets texnologiya instituti olimlari salbiy ruhdagi matn, foto va videolar inson ruhiy salomatligiga ta’sirini o‘rganish bo‘yicha tadqiqot o‘tkazishdi. Tadqiqot natijalari shuni ko‘rsatdiki, bunday kontent ruhiy muammolari bor insonlarning holatini yanada yomonlashtiradi. Internet foydalanuvchilarining qaysi turdagi ma’lumotlarga e’tibor qaratishini tahlil qilish uchun mingdan ortiq inson o‘rganib chiqildi. Ularning qaysi veb-sahifalardan foydalangani, bu jarayon qaysi his-tuyg‘ularni uyg‘otgani — g‘azab, qo‘rquv, qayg‘u yoki quvonch kabi holatlar bo‘yicha maxsus algoritmlar orqali baholandi. Tadqiqotda ishtirokchilar dastlab 5 kun davomida kuniga 20 daqiqa, so‘ngra esa 30 daqiqa davomida internetda vaqt o‘tkazishdi. Olimlar bu vaqt ichida foydalangan veb-sahifalardagi matnlarni baholashdi. Shu bilan birga, ishtirokchilar internetda qanday emotsiyalarni his qilganini anketalarda qayd etib bordi. Aniqlanishicha, yaxshi kayfiyatdagi foydalanuvchilar ijobiy va ruhiyatga zarar yetkazmaydigan kontentni tanlashgan bo‘lsa, yomon kayfiyatdagi insonlar ko‘proq salbiy va qo‘rquv hissini uyg‘otadigan materiallarga qiziqish bildirgan. Tadqiqotchilar ushbu natijalardan kelib chiqib, “Digital Diet” deb nomlangan maxsus plagin ishlab chiqdilar. Bu dastur internetdagi qidiruv natijalarini uch xil mezon bo‘yicha filtrlash imkonini beradi: hissiyotlar (ijobiy yoki salbiy), bilim (ma’lumotni tushunish darajasi) va foydaliligi. Ushbu vosita foydalanuvchilarga salbiy kontentni cheklash va ijobiy axborotga yo‘naltirishda yordam beradi. “Ruhiy salomatligi muammoli odamlar ko‘pincha salbiy axborot qidirishadi, bu esa ularning holatini yanada og‘irlashtiradi. Digital Diet ularga salbiy kontentdan voz kechishda yordam beradi deb umid qilamiz,” deydi tadqiqotchilar.

Apple kompaniyasi yaqinda yangi iPhone 17 smartfonini taqdim etdi. Bu haqida Zamin.uz xabar berdi. Toshkentdagi "Malika" bozorida sotuvchilar bilan suhbat natijasida ushbu yangi modellar uchun taxminiy narxlar aniqlangan. Ma’lum bo‘lishicha, iPhone 17 smartfonlari O‘zbekistonda 23 sentyabrdan boshlab sotuvga chiqariladi. Narxlar xotira hajmi va qurilmaning funksiyalariga qarab farqlanadi. Masalan, iPhone 17 ning 256 gigabaytli modeli taxminan 16 million 250 ming so‘m atrofida baholanmoqda. Kattaroq xotira hajmiga ega modellarning narxi esa yuqoriroq bo‘ladi. iPhone 17 Pro va Pro Max versiyalari esa yanada ko‘p funksiyalar va imkoniyatlarga ega bo‘lib, ularning narxlari 23 million so‘mdan boshlanib, 50 million so‘mga yaqinlashadi. Ushbu yangi smartfonlar O‘zbekiston bozorida katta qiziqish uyg‘otishi kutilmoqda. Xaridorlar uchun eng maqbul variantni tanlashda xotira hajmi va byudjet muhim omillar hisoblanadi. Shuningdek, rasmiy savdo nuqtalarida to‘liq kafolat va xizmat ko‘rsatish imkoniyatlari taqdim etilishi kutilyapti. Yangi iPhone 17 modellarining O‘zbekistonda sotuvga chiqishi smartfon bozorida yangiliklar va raqobatni kuchaytiradi.

O‘zbekiston Markaziy banki 2025 yil 12 sentabr kuni uchun xorijiy valutalarning rasmiy kurslarini e’lon qildi. Bu haqida Zamin.uz xabar berdi. Ma’lum qilinishicha, ushbu sanada barcha asosiy xorijiy valyutalarning milliy valyutaga nisbatan qiymati oshgan. Jumladan, AQSH dollari 86,49 so‘mga ko‘tarilib, 12 447,35 so‘mni tashkil etdi. Yevro kursi 66,46 so‘mga oshib, 14 545,97 so‘mga yetdi. Shuningdek, Birlashgan Qirollik funti 68,59 so‘mga o‘sib, 16 808,90 so‘mga ko‘tarildi. Rossiya rubli 0,42 so‘mga oshib, 146,08 so‘mga teng bo‘ldi. Xitoy yuani 11,33 so‘mga ko‘tarilib, 1 747,09 so‘mni tashkil etdi. Yapon iyenasi 0,27 so‘mga oshib, 84,12 so‘mga yetdi. Qozog‘iston tengesi ham 0,13 so‘mga ko‘tarilib, 23,09 so‘m qiymatga ega bo‘ldi. Ushbu o‘zgarishlar valyuta bozoridagi so‘nggi holatni aks ettiradi va iqtisodiy faoliyatda muhim ahamiyatga ega. Markaziy bankning rasmiy kurslari valyuta ayirboshlash operatsiyalarida asosiy ko‘rsatkich hisoblanadi. Shuningdek, ular eksport-import faoliyatiga ham ta’sir ko‘rsatadi. Valyuta kurslarining oshishi milliy valyutaning kuchlanishini ko‘rsatadi va iqtisodiy sharoitlarni tahlil qilishda muhimdir. Bu ma’lumotlar iqtisodiy rejalashtirish va moliyaviy qarorlar qabul qilishda yordam beradi. O‘zbekiston iqtisodiyoti uchun barqaror valyuta kurslari muhim ahamiyatga ega bo‘lib, ular mamlakatning moliyaviy barqarorligini ta’minlashga xizmat qiladi.

Berlin shahrida o‘tkazilgan IFA 2025 xalqaro ko‘rgazmasida Xitoyning Ant Group kompaniyasi yangi odamsimon robotini taqdim etdi. Bu haqida Zamin.uz xabar berdi. Robbyant R1 nomli ushbu robot nafaqat oshxonada ovqat tayyorlash, balki muzeylarda gidlik qilish va dorixonalarda yordamchi vazifasini bajarishga qodir. Robot turli vazifalarni aniq va samarali bajaradi, masalan, masalliqlarni tanlash, plita oldida ishlash, taom tayyorlash va dasturxonga tortish jarayonlarini mukammal bajaradi. R1 robotining asosiy afzalligi uning BaiLing sun’iy intellekt tizimiga ega bo‘lishidir. Bu tizim robotga ishni boshidan oxirigacha anglash imkonini beradi. Shuningdek, robot fazoviy idrok tizimi yordamida pichoq, taxta va sabzavot kabi buyumlarni aniq ajrata oladi va ularga ehtiyotkorlik bilan munosabatda bo‘ladi. Maxsus sensorlar va ilg‘or algoritmlar yordamida harakatlari xavfsiz va samarali amalga oshiriladi. Kompaniya vakillari ta’kidlaganidek, R1 robotidan nafaqat restoranlarda, balki sog‘liqni saqlash muassasalari, turizm sohasi va keksalarga xizmat ko‘rsatishda ham keng foydalanish mumkin. Shu sababli, robot kundalik hayotda va turli xizmat ko‘rsatish tarmoqlarida keng qo‘llanilishi rejalashtirilmoqda. Ant Group Alibaba Group tarkibiga kiradi va kompaniya yevropalik hamkorlar bilan hamkorlikni rivojlantirish ustida faol ish olib bormoqda. Mutaxassislarning fikricha, ushbu innovatsiya kelajakda butun dunyo restoranlari va xizmat ko‘rsatish sohasini tubdan o‘zgartirishi mumkin. Bu robot yangi texnologiyalar yordamida inson hayotini yengillashtirishda muhim rol o‘ynaydi.

Jaguar Land Rover kompaniyasi kiberhujum sababli ishlab chiqarishni vaqtincha to‘xtatishga majbur bo‘ldi. Bu haqida Zamin.uz xabar berdi. Buyuk Britaniyadagi zavodlarda ish jarayoni to‘xtab, ishchilar vaqtincha uylariga yuborildi. Dastlab kompaniya ma’lumotlar o‘g‘irlanmaganini ma’lum qilgan bo‘lsa-da, 11 kun o‘tib ayrim ma’lumotlar ta’sirlanganini tan oldi. Hozircha qaysi ma’lumotlar o‘g‘irlangani haqida aniq ma’lumot berilmadi. Hujumni “Scattered Lapsus$ Hunters” nomli kiberjinoyatchilar guruhi o‘z zimmasiga oldi. Jaguar Land Rover IT tizimlarini vaqtincha o‘chirib, ularni qayta tiklash ustida ishlamoqda. Buyuk Britaniya hukumati va kiberxavfsizlik markazi kompaniyaga yordam ko‘rsatmoqda. Mutaxassislar zavodlarning yaqin kunlarda ish faoliyatini tiklashini kutmoqda. Ushbu holat avtomobilsozlik sohasida kiberxavfsizlikning muhimligini yana bir bor ko‘rsatdi. Kompaniya xavfsizlik choralarini kuchaytirish va tizimlarni mustahkamlash bo‘yicha ishlarga kirishdi. Shuningdek, foydalanuvchilar va mijozlar ma’lumotlarini himoya qilishga alohida e’tibor qaratilmoqda. Bu voqea sanoat tarmoqlarida kiberhujumlarga qarshi kurashish zaruratini yanada oshirdi. Jaguar Land Rover va boshqa kompaniyalar bunday holatlarning oldini olish uchun yangi texnologiyalar va xavfsizlik tizimlarini joriy etishga harakat qilmoqda. Kiberxavfsizlik sohasidagi hamkorlik va malaka oshirish ishlariga alohida e’tibor qaratilmoqda.

Yevropa Ittifoqi tomonidan joriy etilgan yangi majburiy chidamlilik sinovlari Apple kompaniyasining eng so‘nggi flagmani bo‘lgan iPhone 17 modelida jiddiy kamchiliklarni aniqladi. Bu haqda Zamin.uz xabar berdi. Qurilmaning batareyasi sezilarli darajada yaxshilangan bo‘lsa-da, uning yiqilish va tashqi ta’sirlarga chidamliligi raqobatchi brendlardan past ekanligi ma’lum bo‘ldi. GSMArena nashri xabariga ko‘ra, Yevropa Ittifoqida joriy qilingan maxsus markalash tizimi har bir elektron qurilmaning chidamlilik va ta’mirlanuvchanlik darajasini belgilaydi. Ushbu tizim asosida o‘tkazilgan sinovlarda iPhone 17 Pro Max B sinfiga mansub deb topildi. Bu qurilma taxminan 180 marta yiqilish sinoviga bardosh bera olishini anglatadi. O‘tgan yilgi iPhone 16 Pro Max esa C sinfiga kiritilib, faqat 90 marta yiqilishdan keyin chidamlilik ko‘rsatgan edi. Yangi modelda bu ko‘rsatkich ikki barobar oshgan bo‘lsa-da, hali ham yetakchi raqobatchilardan orqada qolmoqda. Masalan, Samsung Galaxy S25 Ultra va Google Pixel 10 Pro XL kabi so‘nggi flagmanlar 270 marta yiqilish sinovidan muvaffaqiyatli o‘tib, eng yuqori A sinfiga kiritilgan. Bu Apple smartfonlari kundalik foydalanishda ko‘proq shikastlanish xavfi borligini ko‘rsatadi. Shuningdek, yumshoq korpusga ega bo‘lgan iPhone Air Pro Max ham B sinfi natijalarini qayd etdi. Ta’mirlanish imkoniyatlari bo‘yicha ham iPhone 17 raqobatchilardan orqada qolmoqda. Qurilma S sinfiga kiritilgan, bu Samsung bilan bir xil, ammo Google Pixel B sinfiga mansub bo‘lib, ta’mirlash jihatidan yaxshiroq hisoblanadi. Biroq, iPhone 17 Pro Max batareyasi energiya samaradorligi bo‘yicha yuqori ko‘rsatkichga ega bo‘lib, A sinfiga kiritilgan va uning ishlash muddati 53 soatga yetgan. Bu ko‘rsatkich ko‘pgina raqobatchilardan ustun hisoblanadi. Shunga qaramay, Apple batareyasi atigi 1000 ta zaryadlanish sikliga mo‘ljallangan, Samsung qurilmalaridagi akkumulyatorlar esa 2000 siklgacha xizmat qilishi mumkin. Bu amalda ikki barobar uzoq umrga ega ekanligini bildiradi.

So‘nggi paytlarda odamlar shaxsiy hayotlari, ma'naviy muammolari va ichki osoyishtalik izlash maqsadida sun’iy intellekt asosidagi chatbotlarga murojaat qilmoqda. Bu haqda Zamin.uz xabar berdi. Bu holat texnologiyaning inson ehtiyojlarining yangi va muhim sohasiga kirib borayotganidan dalolat beradi. Ruhiy maslahat beruvchi chatbotlar turli diniy yo‘nalishlar, meditatsiya usullari va shaxsiy rivojlanish bo‘yicha foydali tavsiyalar beradi. Foydalanuvchilar ularni tezkor javob berishi, hukmsiz bo‘lishi va doim mavjudligi sababli tanlaydi. Mutaxassislarning fikricha, bunday chatbotlar haqiqiy ruhiy maslahatchilarni to‘liq o‘rnini bosa olmasa-da, odamlarni yolg‘izlik hissidan qutqarishda yordam beradi. Bu esa zamonaviy jamiyatda ma'naviy suhbatga bo‘lgan ehtiyojning oshib borayotganini ko‘rsatadi. Shu sababli sun’iy intellekt ruhiy qo‘llab-quvvatlash sohasida muhim vosita sifatida qaralmoqda.

Germaniyada sun’iy intellektdan foydalanish so‘nggi yillarda sezilarli darajada oshgan. Bu haqda Zamin.uz xabar berdi. Bitkom raqamli uyushmasi tomonidan o‘tkazilgan so‘nggi tadqiqot natijalariga ko‘ra, mamlakatdagi har uchinchi kompaniya sun’iy intellekt texnologiyalarini faol ravishda ishga solgan. Tadqiqot 15 sentyabr kuni e’lon qilindi. Ma’lumotlarga ko‘ra, ishtirok etgan kompaniyalarning 36 foizi hozirda sun’iy intellektdan foydalanmoqda. Shuningdek, 47 foiz korxona yaqin kelajakda bu texnologiyani joriy etishni rejalashtirmoqda yoki hozirda uning ustida ish olib bormoqda. Faqatgina 17 foiz kompaniya sun’iy intellektni biznes jarayonlariga kiritish niyatida emasligini bildirgan. So‘nggi yillarda Germaniyada sun’iy intellektdan foydalanadigan korxonalar soni deyarli ikki barobarga ko‘paygan. Ayniqsa, mijozlar bilan muloqot, marketing va kommunikatsiya sohalarida bu texnologiyadan keng foydalanilmoqda. Bundan tashqari, tadqiqot va ishlab chiqish, ishlab chiqarish jarayonlari hamda nazorat va hisob-kitob tizimlarida sun’iy intellektning qo‘llanilishi ortib bormoqda. So‘rov natijalariga ko‘ra, Germaniyadagi o‘nta kompaniyadan sakkiztasi sun’iy intellektni kelajakda asosiy va hal qiluvchi texnologiya deb hisoblaydi. Mutaxassislar ta’kidlashicha, bu jarayon mamlakat iqtisodiyotining raqamlashtirilishini tezlashtiradi va innovatsiyalarni rivojlantirishga keng imkon yaratadi.

YouTube platformasi yangi imkoniyatni rasman taqdim etdi. Bu haqida Zamin.uz xabar berdi. Endilikda barcha kontent yaratuvchilari o‘z videolariga bir nechta tillarda ovozli dublyaj qo‘shishlari mumkin bo‘ladi. Bu yangilik avvaliga faqat mashhur blogerlar uchun sinov tariqasida ochilgan edi, hozir esa butun YouTube hamjamiyatiga kengaytirildi. Yangi tizim Creator Studio orqali ishlaydi. Yaratuvchilar videoga turli tillarda ovozli fayllarni yuklashi mumkin, tomoshabinlar esa istalgan vaqtda tilni o‘zgartirib, videoni o‘z ona tilida yoki tanlagan tilida tomosha qilishlari mumkin. Bu funksiya subtitrdan farq qiladi, chunki video to‘liq ovozli tarjimada efirga uzatiladi va matn emas, balki to‘g‘ridan-to‘g‘ri ovoz orqali taqdim etiladi. Bu imkoniyat YouTube kontentini xalqaro auditoriyaga yetkazish uchun katta imkoniyat yaratadi. Ayniqsa, til to‘sig‘i sababli ko‘plab qiziqarli videolar ko‘pchilikka yetib bormayotganidan kelib chiqib, bu yangilik muhim ahamiyatga ega. YouTube endi yanada kengroq madaniyatlararo maydonga aylanishi kutilmoqda. Siz qaysi turdagi kontentni ona tilingizda eshitishni istardingiz?