Yozgi shinalarni qachon sotib olish foydali?

Avtoekspert Pogulyayev yozgi shinalarni qachon sotib olish foydali ekanini aytdi

Fit Service avtoservisi rahbari Nikolay Pogulyayev "Rossiyskaya gazeta" nashriga yozgi shinalarni qachon sotib olish yaxshiroq ekanini tushuntirdi.

"Yozgi shinalar odatda fevral oyida doʻkonlarga etkazib beriladi. Joriy yilda ularning narxi oʻtgan yilga nisbatan 10−15% ga oshishini kutmoqdamiz. Turli brendlar va oʻlchamlar uchun narxlarning oʻzgarishi biroz farq qilishi mumkin. Avtoulovchilar va mutaxassislarning fikrlarini oldindan oʻrganish mumkin, lekin eng katta tanlov boʻladigan mavsumda xarid qilish yaxshiroq. Shuningdek, mavsumda turli aktsiyalar oʻtkaziladi – bepul oʻrnatish yoki keyingi xarid uchun keshbek kabi takliflar paydo boʻlishi mumkin. Shu sababli, ushbu takliflarni kutishga arziydi. Biroq, sotib olishni ortga surish ham tavsiya etilmaydi, chunki mavsumda talab yuqori boʻladi va xizmat koʻrsatish markazlarida navbatlar yuzaga keladi", — dedi mutaxassis.

Yozgi shinalarni tanlashda ularning akvaplaningdan himoyalanganligiga e'tibor qaratish tavsiya etiladi. Agar protektor eni etarli boʻlsa, keng drenaj kanallari boʻlgan modellarni tanlash maqsadga muvofiq.

Shinalar bozorida hozirda koʻplab mashhur brendlar mavjud. Xitoy ishlab chiqaruvchilariga asta-sekin odatlanishmoqda, biroq mutaxassislar xitoylik premium yoki oʻrta segmentni tanlashni tavsiya qilishadi. Shuningdek, umuman notanish va ishonchli sharhlarga ega boʻlmagan brendlardan uzoqroq boʻlish maqsadga muvofiq. Bunday kompaniyalar mavsum tugagach, bozorga qaytmasligi ham mumkin. Shu bois, sotib olishdan oldin shinalarga beriladigan kafolat shartlarini oldindan oʻrganish lozim", — deya ta'kidladi Pogulyayev.