O‘zbekistonliklarni Rossiyaning Oltoy o‘lkasidagi korxonalarga ishga jalb etishga alohida e’tibor qaratiladi, deya xabar berdi "Dunyo" AA.
O‘zbekiston bosh konsulxonasi tashabbusi bilan Migratsiya agentligining Novosibirsk shahridagi vakolatxonasi bilan birgalikda Rossiyaning Oltoy o‘lkasi hukumati rahbariyati va salohiyatli ish beruvchilar bilan onlayn muzokara o‘tkazildi.
Oltoy o‘lkasi hukumati raisining o‘rinbosari, Rossiyaning ushbu mintaqa bo‘yicha iqtisodiy rivojlanish vaziri Yevgeniy Deshevixning aytishicha, 2024 yil oxirida Oltoy o‘lkasida ishlash uchun taklif qilingan 11 ming xorijiy ishchining olti mingdan ortig‘i O‘zbekiston fuqarolaridir.
O‘zbekiston bosh konsuli Aslam Akbarov o‘z navbatida, vatandoshlarni mazkur hudud korxonalarida, jumladan, qishloq xo‘jaligi tashkilotlarida ish bilan ta’minlash masalasi muhimligini ta’kidladi.
“Oltoy o‘lkasi mehnat va bandlik boshqarmasi vakillari mamlakatimizdan mehnat migrantlarini qurilish, sanoat, qishloq xo‘jaligi mahsulotlarini qayta ishlash, savdo va boshqa sohalarga jalb etishga imkoniyatlar borligini ma’lum qildi”, — deyiladi xabarda.
Qayd etilishicha, 2024 yilda berilgan mehnat patentlarining uchdan ikki qismi O‘zbekiston fuqarolari hissasiga to‘g‘ri keladi.
“Tomonlar O‘zbekiston va Oltoy o‘lkasi o‘rtasidagi hamkorlikni rivojlantirishning hozirgi bosqichida mamlakatimiz fuqarolarini Rossiyaning ushbu hududidagi turli korxonalarga ishga jalb etishga alohida e’tibor qaratishga kelishib olishdi”, — deya qayd etilgan xabarda.
O‘xshash yangiliklar
O‘zbekiston va Buryatiya o‘rtasida yangi hamkorlik eshiklari ochildi
Rossiyaning Buryatiya Respublikasida O‘zbekiston bilan ikki tomonlama iqtisodiy hamkorlikni rivojlantirish maqsadida katta miqyosdagi uchrashuv bo‘lib o‘tdi. Unda O‘zbekistonning Novosibirsk
Tramp Xitoy mahsulotlariga boj stavkasini 20% ga oshirdi
AQSh Prezidenti Donald Tramp Xitoydan import qilinadigan tovarlarga boj stavkasini 20% gacha oshirish to‘g‘risidagi farmonni imzoladi. Bu qaror Xitoyning fentanil oqimiga qarshi yetarlicha chora
Oltoyga ishga! Yurtdoshlarimiz Rossiyada ish boshlashga tayyorlanmoqda
O‘zbekiston va Rossiya o‘rtasida yana bir amaliy qadam: Endi hamyurtlarimiz Oltoy o‘lkasining yirik korxonalarida rasmiy mehnat faoliyatini olib borishi mumkin. Bu haqda Vazirlar Mahkamasi
Urumchida O‘zbekiston - Xitoy iqtisodiy forumi o‘tkazildi
Bugun, 30 aprel kuni Urumchi shahrida O‘zbekiston - Xitoy iqtisodiy forumi bo‘lib o‘tdi. Uning ochilishida O‘zbekiston Respublikasi Bosh vaziri Abdulla Aripov hamda Xitoy Kommunistik partiyasi
PSJ «Inter Mayami»ga qarshi o‘yinda ustun bo‘ladi
Klub jahon chempionati 1/8 final bosqichida 2025 yilda fransuzning PSJ klubi Inter Mayami jamoasiga qarshi maydonga tushadi. Bu haqida Euro-football.ru xabar berdi. Moskva Spartakining sobiq
