Irgashev: Afg‘oniston endi tinchlikka tahdid emas
O‘zbekistonning Afg‘oniston bo‘yicha maxsus vakili Ismatulla Irgashev Mozori Sharifda Balx viloyati hokimi Muhammad Yusuf Vafo bilan uchrashdi, deb uz24.uz xabar berdi.
Irgashev Toshkent va Kobul o‘rtasidagi munosabatlar mustahkamlanayotganini ta’kidladi va Afg‘oniston endi mintaqaviy tinchlikka tahdid solmasligini bildirdi. Shuningdek, u davlatlarni Afg‘onistonning ichki ishlariga aralashmaslikka chaqirdi.
Muhammad Yusuf Vafo esa ikki davlat o‘rtasidagi do‘stona munosabatlar har ikki tomon uchun manfaatli ekanini ta’kidladi.
O‘zbekiston va Afg‘oniston 2025-yil may oyida qo‘shma iqtisodiy anjuman o‘tkazishga kelishib oldi. Bu tadbir Balx orqali savdo va tranzitni rivojlantirishga xizmat qiladi.
Nodirbek
