Eron yetakchisi tahdidlarga qat’iy javob berdi
Eron oliy rahbari Oyatullo Ali Xameneyi AQShga qaratilgan keskin bayonot bilan chiqdi. U tahdidlar orqali Tehronni egish mumkin emasligini aytar ekan, agar AQSh yoki boshqa davlatlar eronliklarga qarshi tajovuz qilsa, buni “og‘ir tarsaki” kutishini bildirdi. Bu chiqish Eron davlat telekanalida jonli efirda namoyish etildi.
Eronning BMTdagi doimiy vakili Amir Said Irvoniy esa xalqaro tashkilotlarga maktub yo‘llab, har qanday dushmanona harakatlar xalqaro huquqqa ziddir va jiddiy oqibatlarga olib kelishini ta’kidladi. Unga ko‘ra, Eron o‘z suvereniteti va hududiy yaxlitligini qat’iy himoya qiladi.
Bu bayonotlar Trampning yaqinda Yaman harakatiga qarshi keskin harbiy chora ko‘rishga buyruq bergani va Eronni husi guruhini qo‘llab-quvvatlamaslikka chaqirganidan so‘ng yangradi. Shuningdek, “Axios” ma’lumotiga ko‘ra, Tramp Xameneyiga ikki oy ichida yangi yadroviy kelishuvga kelish taklifini bildirgan.
Manba: Tengrinews.kz
