Moskva “Spartak” jamoasi “Torino” futbolchisi Saul Koko bilan shartnoma imzolash uchun harakatlarni davom ettirmoqda. Bu haqida Euro-football.ru xabar berdi.
“Qizil oq” jamoasi Italiya klubiga yangi taklif bilan chiqdi. Marca nashrining ma’lumotlariga ko‘ra, “Spartak” oldingi taklifni oshirib, Koko uchun 15 million yevro va 2 million yevro bonusni taklif qilmoqda.
Tez orada futbolchi o‘z kelajagi bo‘yicha qaror qabul qilishi kutilmoqda. Avvalroq “qizil oq” jamoasi 13 million yevro va 2 million yevro bonusni taklif qilgan, ammo “Torino” rahbariyati bu taklifni ma’qullamagan edi.
O‘tgan mavsumda Saul Koko Seriya A chempionatida 32 o‘yinda maydonga tushib, 2 ta gol urdi. 26 yoshli himoyachining Italiya klubi bilan shartnomasi 2028 yilgacha amal qiladi.
Transfermarkt ma’lumotlariga ko‘ra, uning bozor qiymati 10 million yevroni tashkil etadi.
