Madridning “Atletiko” futbol klubi o‘yinchisi Saul Nyiges yaqin vaqt ichida jamoani tark etadi. Bu haqida Euro-football.ru xabar berdi.
Bu haqda taniqli futbol insayderi Fabrizio Romano xabar berdi. Manbaga ko‘ra, ispaniyalik futbolchi “Atletiko” bilan tuzilgan shartnomani bekor qiladi va faoliyatini Turkiyaning “Trabzonspor” klubida davom ettiradi.
Turkiya chempionati vakili yaqin haftalarda yarim himoyachini rasmiy ravishda o‘z safiga qo‘shishi mumkin. Jurnalist Yag‘iz Sabunchog‘lu ma’lumotiga ko‘ra, Saulning yangi klub bilan tuzadigan shartnomasi to‘rt yilga mo‘ljallangan.
Saul Nyiges 2013 yildan buyon “Atletiko”ning asosiy jamoasida o‘ynaydi. U Madrid klubida jami 427 o‘yinda maydonga tushib, 48 ta gol urgan va 26 ta assist amalga oshirgan.
Transfermarkt ma’lumotlariga ko‘ra, futbolchining bozor qiymati uch million yevroni tashkil etadi.
