«Barselona» jamoasi futbolchisi Lamin Yamal yaqinda kattalar futbolida yorqin tarzda o‘zini ko‘rsatib, jamoa rekordlarini yangiladi va o‘zining yulduzlar jahon terma jamoasini tuzdi. Bu haqida Euro-football.ru xabar berdi.
Bu haqda Yamal Total Soccer shousida ma’lum qildi. Darvozabon sifatida ispaniyalik Iker Kasilyas tanlandi.
Himoyada braziliyalik Dani Alves, ispan futbolchilari Jerar Pike va Serxio Ramos hamda braziliyalik Marselo o‘z o‘rinlarini egalladi. Yarim himoya chizig‘ida fransuz Zinidin Zidan, braziliyalik Ronaldinyo, portugal futbolchisi Krishtianu Ronaldo, braziliyalik Neymar va argentinalik Lionel Messi o‘ynadi.
Markaziy hujumchi sifatida esa braziliyalik Ronaldo tanlandi. Qiziqarli jihati shundaki, ushbu tarkibda Maradona yoki Pele kabi uzoq o‘tgan davr yulduzlari yo‘q.
Bu terma jamoa zamonaviy futbolchilardan tashkil topgan bo‘lib, hozirgi davrning eng yorqin nomzodlarini o‘z ichiga oladi. Lamin Yamalning tanlovi futbol muxlislari orasida katta qiziqish uyg‘otdi va futbol tarixidagi eng kuchli jamoalardan biri sifatida e’tirof etildi.
👍 0❤️ 0😂 0😢 0😡 0
