Real yozda transferlarga rekord mablag‘ sarfladi

Joriy yozda Madridning «Real» klubi yangi o‘yinchilarga katta mablag‘ sarfladi. Bu haqida Euro-football.ru xabar berdi.

Jamoa tarkibi Din Xüysen («Bornmut»), Alvaro Karreraz («Benfika») va Trent Aleksander-Arnold («Liverpul») kabi futbolchilar bilan kuchaydi. Shuningdek, avgust oyida Xabi Alonso boshchiligidagi jamoaga Franco Mastantuono («River Pleyt») qo‘shiladi.

Umumiy hisobda «Real» transferlarga taxminan 178 million yevro sarflagan bo‘lib, bu 2019-yil yozidan beri klub uchun eng qimmat transfer oynasi hisoblanadi. O‘tgan mavsumda Madridning nufuzli jamoasi La Liga chempionlik unvonini «Barselona»ga boy berdi.

Shuningdek, Ispaniya Kubogi va Superkubogi finalida katalon jamoasidan mag‘lub bo‘ldi. Chempionlar Ligasi musobaqasida jamoa chorak finalga chiqdi, ammo «Arsenal»ga yutqazdi.

Yaqinda bo‘lib o‘tgan Klub jahon chempionatida esa yarim finalda «PSJ»ga imkoniyatni boy berdi. Bu natijalar klub uchun qoniqarsiz bo‘lib, yangi mavsumda jamoa o‘z kuchini oshirishga intilmoqda.