Yangi tayinlangan "Milan" jamoasi bosh murabbiyi Massimiliano Allegri keyingi Serie A mavsumida, 23 avgustdan boshlanadigan musobaqada, klubning erishishi kerak bo‘lgan maqsad haqida so‘zlab berdi. Bu haqida Euro-football.ru xabar berdi.
U o‘zining asosiy vazifasi sifatida 2026/27 yilgi Chempionlar Ligasi musobaqasiga yo‘llanma olishni belgiladi. Bu jamoa brendi va moliyaviy holati uchun juda muhim ekanligini ta’kidladi.
Allegri bu vazifaning oson emasligini, shuning uchun jamoa ko‘p mehnat qilishi zarurligini aytdi. Italiyalik mutaxassis may oyida "Milan" bosh murabbiyi lavozimiga tayinlangan.
O‘tgan mavsumda jamoa sobiq murabbiy Serjiu Konseysau rahbarligida faqat sakkizinchi o‘rinni egallagan va Yevrokuboklarda ishtirok etish imkoniyatini qo‘ldan boy bergan edi. Allegrining maqsadi jamoani yana yuqori pog‘onalarga olib chiqishdir.
