«Fiorentina» jamoasining darvozaboni David de Xea Krishtianu Ronalduning ajoyib faoliyati haqida fikrlarini bildirdi. Bu haqida Euro-football.ru xabar berdi.
U hozirda ham «Al-Nasr» jamoasi safida maydonga tushib, gollar urishda va g‘alabalar qozonishda davom etmoqda. De Xea so‘zlariga ko‘ra, Krishtianu haqiqiy yulduzdir.
U allaqachon 40 yoshda bo‘lishiga qaramay, maydonga chiqib, gollar urib, sovrinlar yutib kelmoqda. Uning o‘ziga va ishga bo‘lgan munosabati judayam ajoyibdir.
Bunday sportchilar tarixda juda kam uchraydi. Bir-ikki mavsum yaxshi o‘ynash mumkin, ammo yigirma yil davomida yuqori darajada qolish uchun alohida iste’dod va kuchli xarakter talab etiladi.
Krishtianu Portugaliya klubi «Sporting»da faoliyat boshlagan, keyinchalik «Manchester Yunayted», Madridning «Real», «Yuventus» jamoalarida o‘ynagan. Hozirda esa Saudiya Arabistonining «Al-Nasr» jamoasida yetakchi hisoblanadi.
👍 0❤️ 0😂 0😢 0😡 0
