Barselona de Yong bilan shartnomani uzaytirmoqchi
«Barselona» futbol klubining yarim himoyachisi Frenki de Yong ehtimol yaqinda yangi shartnoma imzolaydi. Bu haqida Euro-football.ru xabar berdi.
Hozirda uning yangi bitim bo‘yicha muzokaralar vaqtincha to‘xtatildi, chunki futbolchi agenti Ali Dursun bilan hamkorlikni tugatdi. Jurnalist Fernando Polo ma’lumotlariga ko‘ra, hozirda «Barselona»da de Yong bilan yangi shartnoma bo‘yicha muzokaralar olib boradigan vakil yo‘q.
Shunga qaramay, klub rahbariyati vaziyatni tinchlik bilan qabul qilmoqda va futbolchi bilan kelishuv tez orada yangilanadi, deb hisoblamoqda. Frenki de Yongning amaldagi shartnomasi 2026-yil o‘rtalarigacha mo‘ljallangan.
Avvalroq 28 yoshli yarim himoyachining kataloniyalik klub bilan shartnomani uzaytirishga intilishi haqida xabarlar tarqalgan edi. Klub va futbolchi o‘rtasidagi muloqot tez orada tiklanishi kutilmoqda.
Shartnoma yangilanishi futbolchining kelajagi va «Barselona» jamoasining tarkibini mustahkamlashda muhim ahamiyatga ega hisoblanadi.
