Lionel Messi MLSning barcha yulduzlari o‘rtasidagi yaqinlashib kelayotgan o‘yinda ishtirok etmaydi. Bu haqida Euro-football.ru xabar berdi.
Buning asosiy sababi uning to‘pig‘idagi jarohatdir. ESPN ma’lumotlariga ko‘ra, argentinalik futbolchi ushbu tadbirni o‘tkazib yuborgani uchun chempionatning bir o‘yinidan chetlatilishi mumkin.
Bunday jazo liga qoidalarida belgilangan. Shuningdek, «Inter Mayami» jamoasining yana bir futbolchisi Luis Suarez ham o‘yinni o‘tkazib yuboradi.
Jamoa vakillarining aytishicha, Suarez tizzasida noqulaylik his qilmoqda. Messi MLSda ajoyib mavsum o‘tkazmoqda.
U «Inter Mayami» tarkibida 29 ta o‘yinda maydonga tushib, 24 ta gol urdi va 8 ta samarali uzatma berdi. MLSning barcha yulduzlari o‘yini va Meksika ligasining eng yaxshi futbolchilari jamoasi o‘rtasidagi bellashuv 23 iyul kuni bo‘lib o‘tadi.
