Rossiya futbolining hozirgi holati haqida «Zenit»ning sobiq futbolchisi Oleg Shatov fikr bildirdi. Bu haqida Euro-football.ru xabar berdi.
U mamlakat chempionatidagi legionerlar masalasiga to‘xtaldi. Shatovning aytishicha, so‘nggi yillarda chet ellik futbolchilarning sifati pasaymoqda.
Biroq, ijobiy tomoni shundaki, ko‘plab istiqbolli rus yosh futbolchilari paydo bo‘lmoqda. U misol tariqasida Kislyak va Batrakov nomlarini keltirdi.
Shatovning so‘zlariga ko‘ra, ular yaxshi tayyorgarlik va munosabat bilan kuchli futbolchilarga aylanish imkoniyatiga ega. Agar hozirgi ligada ko‘p kuchli chet ellik futbolchilar bo‘lsa va cheklov bo‘lmasa, ular maydonga chiqish imkoniyatini qo‘lga kiritmasligi mumkin edi.
2025/26 mavsumida Rossiya Premyer Ligasi (RPL)da legionerlarga nisbatan cheklovlar amal qiladi. Jamoalar ro‘yxatiga maksimal 13 chet ellik futbolchi kiritilishi mumkin, maydonda esa bir vaqtning o‘zida sakkiz nafar chet ellik futbolchi bo‘lishi mumkin.
Bu qoidalar Rossiya futbolining rivojlanishiga ijobiy ta’sir ko‘rsatishi kutilmoqda. Shatovning fikrlari YouTube’dagi Smol Talk kanali orqali jamoatchilikka yetkazildi.
