Rossiya milliy terma jamoasining sobiq yarim himoyachisi Oleg Shatov 2016-yilgi Yevropa chempionatida jamoaning ishtiroki haqidagi xotiralari bilan o‘rtoqlashdi. Bu haqida Euro-football.ru xabar berdi.
O‘sha turnirda Rossiya guruhi oxirgi o‘rinni egallagan edi. Guruhda Angliya, Uels va Slovakiya terma jamoalari bor edi.
Shatovning ta’kidlashicha, muammo faqat natijada emas, balki jamoa ichidagi muhitda ham bo‘lgan. U o‘sha paytdagi tarkibning guruhdan chiqishga yetarlicha kuchli ekanini, ammo jamoa birlashmagan va umumiy maqsadga intilmaganini aytdi.
Shatov so‘zlariga ko‘ra, jamoada yuqori potentsial bor edi va ular pleyf-offga chiqishi mumkin edi. Biroq ham murabbiylar shtabi, ham futbolchilar tomonidan xatolar yuz berdi.
Asosiy javobgarlik bosh murabbiyga yuklangan bo‘lsa-da, futbolchilar ham o‘z roli, mas’uliyati va talab darajasini anglab yetishi kerak edi. Shatov, shuningdek, 2014-yil Braziliyada bo‘lib o‘tgan jahon chempionatidagi holat ham shunga o‘xshash bo‘lganini ta’kidladi.
Yevro-2016da Rossiya terma jamoasi bir ochko bilan turnirni yakunlagan, Angliyaga durang o‘ynagan, Uels va Slovakiyaga esa mag‘lub bo‘lgan edi.
