Matbuotda yarim himoyachi Rodri haqida "Real" klubining qiziqishi haqida xabarlar tarqaldi. Bu haqida Euro-football.ru xabar berdi.
Ma’lum bo‘lishicha, Madridning "Real" jamoasi prezidenti Florentino Peres "Oltin to‘p" sohibi Rodrini sotib olishni rejalashtirmoqda. Klub bu transfer uchun taxminan 100 million yevro ajratishga tayyor.
Shu bilan birga, "Manchester Siti" jamoasi "Real"ning qiziqishiga qaramay, Rodri bilan shartnomani uzaytirish uchun barcha imkoniyatlarni ishga solmoqda. Transfer News Live manbasining Mundo Deportivo’ga tayanib xabar berishicha, "shaharliklar" yarim himoyachini yo‘qotishni istamaydi va bu borada faol harakat qilmoqda.
Hozirgi kunda 29 yoshli Rodri bilan "Manchester Siti" o‘rtasidagi shartnoma 2027 yilning o‘rtalarigacha amal qiladi. Transfermarkt portali futbolchining qiymatini 110 million yevroga baholamoqda.
Shu sababli, klub uni saqlab qolish uchun barcha choralarni ko‘rmoqda.
👍 0❤️ 0😂 0😢 0😡 0
