«Bavariya» jamoasi «Liverpul» futbolchisi Luis Diasni sotib olish bo‘yicha ishlarni davom ettirmoqda. Bu haqida Euro-football.ru xabar berdi.
Myunxenliklar kolumbiyalik futbolchiga yaxshilangan taklif tayyorlamoqda va uning uchun 80 million yevrogacha to‘lashga tayyor. Oldinroq 28 yoshli Luis Dias «Bavariyaga» o‘tishni xohlashi va o‘z istagini «Liverpul» rahbariyatiga yetkazgani haqida ma’lumotlar tarqalgan edi.
Uning amaldagi shartnomasi «Liverpul» bilan 2027 yil o‘rtalarigacha, ya’ni yana ikki mavsum davom etadi. Luis Dias «Liverpul» safida jami 148 rasmiy o‘yin o‘tkazib, 41 ta gol urgan va 23 marta samarali uzatma bergan.
Klub va futbolchi o‘rtasidagi kelishuvlar hamon muhokama qilinmoqda. «Bavariya»ning asosiy maqsadi – kuchli hujumchini jamoaga qo‘shib, jamoaning hujum chizgisini yanada mustahkamlashdir.
Transfer jarayoni yaqin kunlarda yakunlanishi kutilmoqda.
