Meksikaning «Gvadalaxara» jamoasi hujumchisi Xavyer Ernandes, keng ommaga Chicharito nomi bilan tanilgan futbolchi, ijtimoiy tarmoqlarda erkaklar va ayollar o‘rtasidagi munosabatlar haqidagi videolarni joylashtirgani sababli jiddiy tanqidlarga uchradi. Bu haqida Euro-football.ru xabar berdi.
Uning fikrlari Meksika futbol federatsiyasi tomonidan keskin qoralandi. Rasmiy bayonotda aytilishicha, futbolchi jinsiy kamsitishga asoslangan stereotiplarni targ‘ib qilgan, bu esa ommaviy axborot vositalarida zo‘ravonlik shakli sifatida baholanadi va sportda gender tengligi tamoyillarini buzadi.
Bir necha kun oldin Xavyer Ernandes axloqiy normalarga zid bo‘lgan va tenglikni rivojlantirishga qarshi fikrlarni bildirdi. Shuning uchun Gender masalalari va xilma-xillik bo‘yicha komissiya tekshiruv o‘tkazdi.
Tekshiruv natijasida futbolchiga jarima solindi va ogohlantirish berildi. Agar xuddi shunday xato takrorlansa, jazo yanada qattiqroq bo‘ladi.
Hozircha Chicharito bu vaziyat bo‘yicha hech qanday izoh bermadi. Ushbu holat sport olamida gender tengligi va axloqiy me’yorlarni ta’minlashning muhimligini yana bir bor eslatmoqda.
👍 0❤️ 0😂 0😢 0😡 0
