«Nyukasl» futbol klubining bosh murabbiyi Eddi Xau hujumchi Aleksandr Isakning kelajagi haqida fikr bildirdi. Bu haqida Euro-football.ru xabar berdi.
Mutaxassis hozirda shved hujumchi bilan muzokaralar olib borilmayotganini ta’kidladi. Uning so‘zlariga ko‘ra, orqada turli jarayonlar davom etmoqda va nima sodir bo‘lmasin, bu klub uchun foydali bo‘lishi kerak.
Albatta, Eddi Xau Isak jamoada qolishini umid qilmoqda. Oldinroq ommaviy axborot vositalari Aleksandr Isakka «Liverpul» va «Al-Hilol» klublari qiziqish bildirayotgani haqida xabar bergan edi.
«Al-Hilol» futbolchiga haftasiga 600 ming funt miqdorida sof maosh taklif qilmoqchi. 25 yoshli futbolchining «Nyukasl» bilan amaldagi shartnomasi 2028 yil yozigacha mo‘ljallangan.
Klub va futbolchi o‘rtasidagi kelishuvning kelajagi haqida qo‘shimcha ma’lumotlar yaqin kunlarda ma’lum bo‘lishi kutilmoqda.
