«Atletiko»ni ECHLdan chiqarib yuborgan Anchelotti matbuot anjumanida nimalar dedi?
"Real Madrid" bosh murabbiyi Karlo Anchelotti "Atletiko" ustidan qozonilgan g‘alabadan so‘ng matbuot anjumanida o‘z fikrlari bilan o‘rtoqlashdi.
Madrid derbisi doimo qaynoq va shiddatli kechadi. Ushbu bahsda ham shunday bo‘ldi, chunki "Atletiko" kuchli himoyasi va ta’sirchan o‘yini bilan "Real Madrid"ni qiyin ahvolga soldi. Bosh murabbiy Karlo Anchelotti uchrashuv haqida shunday dedi:
"Qiyin uchrashuv bo‘ldi"
"Biz o‘yinni murakkab tarzda boshladik, chunki birinchi daqiqaning o‘zida gol o‘tkazib yubordik. Bu biz uchun jiddiy sinov bo‘ldi. "Atletiko" yaxshi himoyalandi va uchrashuvni boshqarishni uddaladi. Bizda ko‘plab imkoniyatlar bo‘lmadi, bu esa ishni yanada qiyinlashtirdi. Birinchi bo‘limda biz to‘pga ega bo‘lish borasida qiyinchiliklarga duch keldik, bu esa men uchun xavotirli edi. Biroq, ikkinchi bo‘limda raqib maydonida to‘pni yaxshi nazorat qilishga erishdik."
"Penaltilargacha olib bormaslikka harakat qildik"
"Biz uchrashuvni penaltilar seriyasiga olib bormaslik uchun hamma imkoniyatdan foydalanishga harakat qildik. Kavaminga ajoyib harakat qildi, u juda samarali o‘yin namoyish etdi. Shuningdek, Tchuamenida sariq kartochka borligi sababli uni zaxiraga olishga qaror qildim. Undan tashqari, Braim ham zaxiradan yaxshi qo‘shildi va jamoaga yordam berdi."
"Eng yomoni – Meni jarohati"
"Eng yomoni shuki, Meni jarohat oldi. Bu biz uchun jiddiy yo‘qotish bo‘lishi mumkin, ammo biz baribir oxirigacha kurash olib boramiz. Biz har bir o‘yinga maksimal tarzda tayyorlanamiz va bor kuchimiz bilan harakat qilamiz. Hozir oldimizda muhim bahslar bor va ularga to‘liq e’tibor qaratamiz."
"Real Madrid" ushbu g‘alaba orqali Chempionlar Ligasida muvaffaqiyatli yurishini davom ettirdi va navbatdagi bosqichga yo‘l oldi. Jamoa ushbu mavsumda ham chempionlikka jiddiy da’vogarlik qilmoqda."
