Yuventus Tyagu Jaloni saqlab qolishni ko‘rib chiqmoqda
“Yuventus” futbol klubi markaziy himoyachisi Tyagu Jalo jamoa murabbiylar shtabida ijobiy taassurot qoldirdi. Bu haqida Euro-football.ru xabar berdi.
O‘tgan mavsumda u “Portu” klubida ijarada o‘ynagan va u yerda omadi yurishmagan edi. Shu sababli, Jaloning “Yuventus”ni tez orada tark etishi deyarli muqarrar deb hisoblangan edi.
Biroq, vaziyat o‘zgarishi mumkin. Mahalliy ommaviy axborot vositalari xabariga ko‘ra, 25 yoshli futbolchi yangi mavsumga tayyorgarlik jarayonida murabbiy Igor Tudor hamda uning yordamchilarini o‘zining mehnatkashligi va professional yondashuvi bilan qoyil qoldirdi.
Shu sababli, klub rahbariyati Tyagu Jalo bilan hamkorlikni davom ettirish masalasini jiddiy ko‘rib chiqmoqda. Ma’lumot uchun, “Yuventus” Tyagu Jaloni 2024 yil yanvar oyida Fransiyaning “Lill” klubidan sotib olgan.
Transfer qiymati taxminan 8 million yevro deb baholanmoqda. Uning turinliklar bilan tuzgan shartnomasi kelasi yilning o‘rtalariga qadar amal qiladi.
Klub futbolchining keyingi faoliyati bo‘yicha yaqin orada aniq qaror qabul qilishi kutilmoqda.
