Manchester Siti klubi darvozaboni Shtefan Orteganing jamoani tark etishi mumkinligi ma’lum qilindi. Bu haqida Euro-football.ru xabar berdi.
Klub rahbariyati uning boshqa jamoaga o‘tishiga rozilik bildirgan. Dushanba kuni Manchester Siti o‘z tarbiyalanuvchisi Jeyms Traffordni qaytarib oldi.
Trafford avvalroq Byornli klubida to‘p surayotgan edi va u 31 million yevro evaziga sotib olindi. Ma’lumotlarga ko‘ra, Trafford bilan shartnoma imzolangach, rahbariyat Shtefan Ortegaga yangi klub izlashga ruxsat bergan.
Endilikda Manchester Siti unga asosiy tarkibda joy bermasligi aytilgan. Shtefan Ortega uch yil davomida Manchester Siti sharafini himoya qilgan va bu davrda jamoaning asosiy darvozabonlaridan biri bo‘lgan.
Ortega umumiy hisobda Manchester Siti safida 56 ta o‘yinda maydonga tushib, 51 ta gol o‘tkazib yuborgan. Transfermarkt mutaxassislari 32 yoshli darvozabonning narxini 8 million yevroga baholamoqda.
Shu tariqa, Shtefan Ortega yangi klub topishi kutilmoqda va uning kelajagi yaqinda aniqlik kasb etishi mumkin.
