"Barselona" markaziy himoyachisi Andreas Kristensen jamoani tark etmoqchi emas. Bu haqida Euro-football.ru xabar berdi.
O‘tgan mavsum Daniya futbolchisi uchun muvaffaqiyatsiz kechdi, chunki u bir necha bor jarohat oldi. Klub rahbariyati Kristensen bo‘yicha kelib tushgan takliflarni ko‘rib chiqishga tayyor, biroq futbolchi o‘z kelajagini aynan "Barselona" bilan bog‘lamoqda.
Ma'lumotlarga ko‘ra, u boshqa jamoalardan tushayotgan qiziqishlarga qaramasdan, Kataloniya klubida qolishni istamoqda. Kristensen yangi bosh murabbiy Xans-Diter Flik qo‘l ostida asosiy tarkib uchun kurashmoqchi.
29 yoshli himoyachi hali ham jamoaga foyda keltira olishiga ishonadi. U o‘tgan mavsum davomida atigi olti marotaba maydonga tushdi.
Kristensenning "Barselona" bilan tuzilgan shartnomasi esa yana 11 oy davom etadi. Shu bois, himoyachi o‘zini ko‘rsatish va asosiy tarkibdan joy olish uchun harakat qilishda davom etmoqda.
Klub esa uning kelajagi borasida rasman qaror qabul qilgani yo‘q.
