PSJ jamoasining bosh murabbiyi Luis Enrike jamoaga yangi o‘ng qanot himoyachisi kerak emasligini ta’kidladi. Bu haqida Euro-football.ru xabar berdi.
Avvalroq parijliklar yulduzli marokashlik futbolchi uchun zaxira o‘yinchi sotib olishi mumkinligi haqida taxminlar bo‘lgan edi. Bu orqali asosiy himoyachi ko‘proq dam olish imkoniyatiga ega bo‘lishi rejalashtirilgan edi.
Biroq, ispaniyalik murabbiy jamoaning o‘ng qanotiga yangi futbolchi olib kelish tarafdori emas. Jurnalist Benjamen Kuare bergan ma’lumotga ko‘ra, Luis Enrike Hakimi o‘rniga o‘ynay oladigan futbolchilar borligiga ishonadi.
U, ayniqsa, Uorren Zair-Emeri va Joau Neves kabi yarim himoyachilarning ham zarurat tug‘ilganda o‘ng qanot himoyachisi sifatida maydonga tushirish mumkinligini qayd etgan. Bu esa, jamoaning tarkibida yetarli imkoniyatlar mavjudligini ko‘rsatadi.
O‘tgan mavsumda Ashraf Hakimi PSJ safida barcha musobaqalarda 55 ta o‘yin o‘tkazdi. U ushbu o‘yinlarda 11 ta gol urdi va 16 ta golli uzatma berdi.
Shu tariqa, murabbiy Hakimiga ishonch bildirgan va unga munosib o‘rinbosar tayyorlashga hojat yo‘q deb hisoblayapti.
